Astro Traits: ஜோதிட சாஸ்திரத்தின்படி அனைத்து 12 ராசிகளுக்கு உள்ள குண நலன்கள் பற்றி குறிப்பிடப்பட்டுள்ளன. ராசிகளுக்கு ஏற்ப பல்வேறு இயல்புகள் மற்றும் குண நலன்கள் மாறுபடும். இந்நிலையில், குறுகிய காலத்தில் வாழ்க்கையில் பெரும் வெற்றியை அடைந்து சாதிக்கும் திறன் பெற்ற ராசிப் பெண்களை பற்றி அறிந்து கொள்ளலாம்.
ஒரு நபரின் இயல்பு மற்றும் ஆளுமை ராசி அறிகுறிகளைப் பொறுத்து வேறுபடும். இதன் காரணமாக ஒவ்வொரு ராசி நபரின் தன்மையும் வேறுபட்டதாக இருக்கும். ஜோதிடத்தில் ராசிகளிண் அடிப்படையில் ஒரு நபரின் இயல்பு, நடத்தை மற்றும் ஆளுமை பற்றிய தகவல்களை வழங்க முடியும்.
ஜோதிடத்தில் 12 ராசிகள் குறிப்பிடப்பட்டுள்ளன. இந்த ராசிக்காரர்கள் கிரகங்களின் ஆதிக்கத்தின் அடிப்படையில் வெவ்வேறு குணங்கள் மற்றும் இயல்புகளைக் கொண்டுள்ளவர்களாக இருப்பார்கள். சில ராசிகளில் பிறந்த பெண்கள் தங்கள் வேலையில், தொழிலில் தனது திறனையினால் பெரிய உச்சங்களை எட்டி, குறுகிய காலத்தில் சாதனை அடைவார்கள்.
மேஷ ராசிப் பெண்கள் மிகவும் சிறந்த தலைமை பண்புகளை கொண்டவர்கள். அவர்கள் பல விஷயங்களை ஒரே நேரத்தில் செய்யும் திறன் கொண்டவர்கள். இந்த திறமையால், அவள் நிறுவனத்தின் உயர் அதிகாரிகளின் கவனத்திற்கு வந்து, குறுகிய காலத்தில் பெரும் வெற்றியைப் பெறுகிறார்கள். இந்த ராசியின் அதிபதி செவ்வாய். அதனால் அம்ன தைரியம் கொண்டவர்கள். வெற்றியின் ஏணியில் விரைவாக முன்னேறி, தங்கள் திறமையின் அடிப்படையில் தங்கள் தொழிலில் வெகுதூரம் செல்கிறார்கள்.
ரிஷப ராசி பெண்கள் மிகவும் கடின உழைப்பாளிகள். இந்த ராசிக்கு அதிபதி சுக்கிரன் என்பதும் இவர்களுக்கு சாதகமானதாக இருக்கும். இதனால் அவர்கள் பணியிடத்தில் அதிக மரியாதை பெறுகிறார்கள். தொலைநோக்கு பார்வை கொண்டதால், எதிர்காலத்திற்கான திட்டங்களை முன்கூட்டியே உருவாக்கும் திறன் இவர்களிடம் இருக்கும். அவரது பேச்சு மற்றவர்களை ஈர்க்கும். இந்த குணங்களுடன், இவர்கள் வாழ்க்கையில் விரைவில் உச்சம் தொடுவார்கள்.
மிதுன ராசிப் பெண்கள் இயல்பிலேயே புதிதாக ஏதாவது கற்றுக் கொள்ள வேண்டும் என்ற ஆசை உள்ளவர்கள். கூடுதலாக, அவர்கள் மிகவும் ஆக்கப்பூர்வமானவர்கள். பணியிடத்தில் மற்றவர்களிடமிருந்து அவர்களை வேறுபடுத்தி காட்டும் திறன் கொண்டவர்கள். மிதுனத்தின் ஆளும் கிரகம் புதன், புத்திசாலித்தனம், பகுத்தறிவு மற்றும் அறிவாற்றல் ஆகியவற்றைக் கொடுக்கும். இந்த ராசிப் பெண்கள் புத்தி கூர்மையாக இருப்பதோடு, புதிய விஷயங்களை விரைவாகக் கற்றுக் கொள்வார்கள். இதன் காரணமாக, அவரது வாழ்க்கையில் பெரிய உயரங்களை அடைகிறார்.
கடக ராசி பெண்கள் அமைதியான குணம் கொண்டவர்கள். தங்கள் வேலையை சரியான நேரத்தில் முடிக்க விரும்புகிறார்கள். சந்திரன் கடகத்தை ஆளும் கிரகம், இதன் காரணமாக அவர்கள் மனதளவில் மிகவும் வலிமையானவர்கள். தான் வேலை செய்வதோடு, மற்றவர்களிடம் இருந்து வேலையை எப்படி வாங்குவது என்பதும் அவர்களுக்குத் தெரியும். இந்த ராசியின் பெண்கள், அவர்களின் இயல்பு மற்றும் திறமை காரணமாக, சில சமயங்களில் தங்கள் குழுத் தலைவர்களை மிஞ்சும் திறனை கொண்டவர்களாக இருப்பார்கள்.
கும்ப ராசிப் பெண்கள் பாதகமான சூழ்நிலைகளை மிக எளிதாக எதிர்கொள்வார்கள். மேலும் அவர்களின் ஆன்ம சக்தி மிகவும் வலுவானது. தவிர, அவர்களின் சிறந்த நடத்தை மற்றவர்களிடையே தனி அடையாளத்தை அளிக்கிறது. இந்த ராசியை ஆளும் கிரகம் நீதியின் கடவுள் சனி. எனவே, இந்த ராசி பெண்களிடமும் இந்த குணம் காணப்படுகிறது. நேர்மையின் பாதையைப் பின்பற்றவே விரும்பும் இவர்கள், காரணமாக பெரிய வெற்றியைப் பெறும் ஆற்றல் இவர்களிடம் இருக்கும்.
பொறுப்புத் துறப்பு: இந்தக் கட்டுரையில் உள்ள தகவல்கள் பல்வேறு ஊடகங்கள், ஜோதிடர்கள், பஞ்சாங்கம், உபதேசங்கள், நம்பிக்கைகள், ஆன்மீக நூல்கள் ஆகியவற்றிலிருந்து சேகரிக்கப்பட்டு உங்களுக்கு வழங்கப்பட்டுள்ளது. எங்கள் நோக்கம் தகவலை வழங்குவது மட்டுமே. ZEE NEWS இதற்கு பொறுப்பேற்காது.
