மின்சாரத்தை மிச்சப்படுத்துவது என்பது உங்கள் பணத்தைச் சேமிப்பதற்கும் சுற்றுச்சூழலில் ஏற்படும் பாதிப்பைக் குறைப்பதற்கும் குறைந்த ஆற்றலைப் பயன்படுத்துவதாகும். இது நீங்கள் பயன்படுத்தும் அல்லது புதிதாக வாங்கும் பொருட்களின் எரிவாயு, மின்சாரம் அல்லது வேறு எந்த ஆற்றல் மூலத்தையும் மிச்சப்படுத்தும். நம்மில் பலர், மின்சாரத்தை சேமிக்க பல்வேறு முறையில் முயற்சி செய்கிறோம். ஆனால் அவை சரியான முறையில் செய்கிறோமா என்பது பலருக்கும் தெரிவதில்லை. நீங்கள் அறையை விட்டு வெளியே வரும்போது விளக்கை அணைப்பது, மின் சாதனங்கள் பயன்பாட்டில் இல்லாதபோது அவற்றை எடுத்து வைப்பது, ஏர் கண்டிஷனர் மற்றும் ரூம் ஹீட்டர் ஆகியவற்றின் பயன்பாட்டைக் குறைப்பது இவை அனைத்தும் மின்சாரத்தைச் சேமிப்பதற்கான பொதுவான வழிகள். மேலும் ஒரு சிலர், மின்சாரத்தை சேமிக்க வீட்டில் உள்ள பிரிட்ஜை இரவு நேரங்களில் அல்லது நீண்ட நேரத்திற்கு அணைத்து வைக்கின்றனர். ஆனால் இது சரியான முறையா என்பது பலருக்கு தெரிவதில்லை. உங்கள் பிரிட்ஜ் கணிசமான அளவு மின்சாரத்தை பயன்படுத்துகிறது, ஆனால் அது சமரசம் செய்யாத ஒரு செலவாகும். மின்சாரத்தைச் சேமிக்க உங்கள் பிரிட்ஜை அணைத்து வைப்பதில் நன்மைகளை விட தீமைகள் அதிகமாக இருப்பதை நீங்கள் தெரிந்து கொள்ள வேண்டும்.
பிரிட்ஜ் என்பது உங்கள் உணவுப் பொருட்களையும் பானங்களையும் எப்போதும் புதியதாக வைத்திருப்பதே அதன் வேலை. உங்கள் குளிர்சாதனப்பெட்டியை நீண்ட நேரத்திற்கு அனைத்து வைத்தால் உள்ளே இருக்கும் உண்ணக்கூடிய பொருட்கள் கெட்டுவிடும். குளிர்சாதனப்பெட்டியை அணைக்கும்போது, அது 2-3 மணி நேரம் மட்டுமே உட்புறத்தை குளிர்ச்சியாக வைத்திருக்க முடியும். ஒரே இரவில் 5-6 மணி நேரம் குளிர்சாதனப்பெட்டியை அணைத்து வைக்க நினைத்தால், குளிர்ச்சி இல்லாததால் உள்ளே இருக்கும் பொருட்கள் கெட்டுவிடும்.
குளிர்சாதனப் பெட்டிகளில் அதிக வெப்பநிலை இருப்பதால் பூஞ்சைகள் வளரக்கூடும், மேலும் பூஞ்சை கலந்த உணவை உட்கொள்வது நமது ஆரோக்கியத்திற்கு தீங்கு விளைவிக்கும். இப்போது, நாம் அதன் பொருளாதாரப் பக்கத்தைப் பற்றி பேசினால், அது கூட உங்களுக்கு எந்த நன்மையையும் செய்யாது. பிரிட்ஜை அணைத்தவுடன், அதன் உள்ளே வெப்பநிலை உயரத் தொடங்குகிறது. சிறிது நேரம் கழித்து நீங்கள் குளிர்சாதனப்பெட்டியை மறுதொடக்கம் செய்தால், கம்ப்ரசர் குளிர்சாதனப்பெட்டியை அதே வெப்பநிலையில் மீண்டும் குளிர்விக்க அதிக நேரம் எடுக்கும், மேலும் அதைச் செய்வதற்கு இன்னும் அதிக மின்சாரம் செலவழிக்கும். இதன் பொருள் நீங்கள் பிரிட்ஜை அணைத்து வைப்பதால் பொருளாதார ரீதியில் பலன் கிடைக்காது. நவீன குளிர்சாதனப்பெட்டிகள் ஒரு தெர்மோஸ்டாட் மற்றும் ஒரு ஆட்டோ-கட்-ஆஃப் அம்சத்துடன் பொருத்தப்பட்டுள்ளன, இதனால் வெப்பநிலையை அடைந்தவுடன் கம்ப்ரசர் தானாகவே அணைக்கப்படும். இது குளிர்சாதன பெட்டியை குளிர்ச்சியாகவும், மின்சாரத்தை சேமிக்கவும் உதவும்.
உங்கள் பிரிட்ஜை பராமரிக்க 7 எளிய குறிப்புகள்
- குளிர்சாதன பெட்டியை சுத்தம் செய்வது முறையான பராமரிப்பிற்கான முதல் படியாகும்.
- சரியான வெப்பநிலையை பராமரிக்கவும்.
- குளிர்சாதன பெட்டியில் தேய்மானம் மற்றும் வேறு பிரச்னை உள்ளதை என சரிபார்க்கவும்.
- பயன்படுத்திய பிறகு கதவை சரியாக மூடவும்.
- கூர்மையான பொருட்களை ஒருபோதும் பயன்படுத்த வேண்டாம்.
- சூடான உணவை குளிர்சாதன பெட்டியில் எப்போதும் வைக்க வேண்டாம்.
- குளிர்சாதன பெட்டி பழுதுபார்க்க மெக்கானிக்கை அழைக்க தயங்க வேண்டாம்.
மேலும் படிக்க | ரேசன் அட்டைத்தாரர்களுக்கு இனி ஒரே குஷிதான்... கோதுமை, அரிசியுடன் இதுவும் இலவசம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
