சிறுநீரகத்தை சுத்தப்படுத்தி பலப்படுத்தும் 'சூப்பர்' உணவுகள்: கண்டிப்பா சாப்பிடுங்க

Health Tips: மோசமான வாழ்க்கை முறை மற்றும் ஆரோக்கியமற்ற உணவுப் பழக்கவழக்கங்களால், இந்நாட்களில் மக்கள் பல கடுமையான நோய்களுக்கு இரையாகி வருகின்றனர். அவற்றில் நீரிழிவு, இரத்த அழுத்தம், கொலஸ்ட்ரால் மற்றும் வயிறு மற்றும் சிறுநீரகம் தொடர்பான நோய்கள் பொதுவானவை. இந்த பதிவில் சிறுநீரகம் தொடர்பான நோய்களைப் பற்றி பார்க்கலாம். சிறுநீரகத்தை ஆரோக்கியமாக வைத்திருப்பது மிகவும் முக்கியம். ஏனெனில் இது நமது உடலின் மிக முக்கியமான உறுப்பு. சிறுநீரகங்கள் உடலில் இருக்கும் கெட்ட பொருட்களை சிறுநீரின் மூலம் அகற்றி, பல நோய்களின் அபாயத்தை தானாகவே குறைக்கின்றன. 

சிறுநீரகங்களை ஆரோக்கியமாக வைத்திருக்க விரும்பினால், நாம் நமது வாழ்க்கை முறையை மேம்படுத்தி, சிறுநீரகத்தில் உள்ள நச்சுகளை நீக்கும் உணவுகளை உணவில் சேர்த்துக்கொள்ள வேண்டும். இந்த உணவுகள் சிறுநீரகத்தில் உள்ள நச்சுகளை நீக்கி, சிறுநீரக செயல்பாட்டை மேம்படுத்தும். இந்த உணவுகளை பற்றி இந்த பதிவில் காணலாம். 

சிவப்பு திராட்சை

சிறுநீரகத்தில் உள்ள நச்சுகளை நீக்கவும், சுத்தப்படுத்தவும் சிவப்பு திராட்சையை (Red Grapes) உணவில் சேர்த்துக் கொள்ளலாம். இது உடல் ஆரோக்கியத்திற்கு மிகவும் நன்மை பயக்கும். அவற்றை உட்கொள்வது சிறுநீரகங்களில் வீக்கத்தை ஏற்படுத்தாது. இதில் உள்ள ஆன்டிஆக்ஸிடன்ட்கள் சிறுநீரகம் தொடர்பான பிரச்சனைகளை நீக்குகிறது. ஆகையால் தினமும் சிவப்பு திராட்சையை உட்கொள்வது நன்மை பயக்கும். சிவப்பு திராட்சை சிறுநீரகத்தை உள்ளிருந்து சுத்தம் செய்ய உதவுகிறது.

அன்னாசி

அன்னாசிப்பழம் (Pineappple) சாப்பிடுவதால் உடலுக்கு பல நன்மைகள் கிடைக்கும். இதில் வைட்டமின் சி அதிகம் உள்ளதால், உடலின் நோய் எதிர்ப்பு சக்தியை அதிகரிக்க உதவுகிறது. இது தவிர இதில் உள்ள சத்துக்கள் கொலஸ்ட்ராலை குறைத்து சிறுநீரக கற்களை அகற்ற உதவுகின்றன.

மேலும் படிக்க | மூட்டு வலி பாடாய் படுத்துதா? விரட்டி அடிக்க சில எளிய டிப்ஸ் இதோ

மாதுளை

மாதுளை (Pomegranate) உடலின் அனைத்து வகையான பிரச்சனைகளையும் நீக்க உதவுகிறது. மேலும், மாதுளை சாப்பிடுவது சிறுநீரகத்தை ஆரோக்கியமாக வைத்திருக்க மிகவும் பயனுள்ளதாக இருக்கும். இது உடலில் உள்ள நச்சுக்களை வெளியேற்றி சிறுநீரக செயல்பாட்டை மேம்படுத்த உதவுகிறது.

பச்சை காய்கறிகள், கீரை வகைகள் 

இது தவிர, கீரை வகைகள், கோஸ் போன்ற பச்சைக் காய்கறிகளில் ஆன்டி-ஆக்ஸிடன்ட்கள் நிறைந்துள்ளன. மேலும் இவற்றில் மிக அதிக அளவு குளோரோபில் உள்ளது. இந்த பண்புகள் சிறுநீரகங்களை சுத்தம் செய்வதற்கும் அவற்றின் செயல்பாட்டை மேம்படுத்துவதற்கும் உதவுகின்றன.

இஞ்சி

இஞ்சியில் (Ginger) அழற்சி எதிர்ப்பு பண்புகள் உள்ளன. இவை இயற்கையான டையூரிடிக் ஆக செயல்படுகின்றன. இவை சிறுநீர் உற்பத்தியை ஊக்குவிக்கின்றன. மேலும் உடலை சுத்தப்படுத்தவும் இவை உதவுகின்றன. இது சிறுநீரக பாதிப்பை தடுக்க உதவுகிறது. மேலும் இது சிறுநீரக கற்கள் அபாயத்தையும் குறைக்கிறது.

சிறுநீரக கற்கள் இருந்தால் இந்த பழங்களை சாப்பிடலாம்

- சிறுநீரக கல் நோயாளிகளுக்கு, அதிக நீர்ச்சத்து உள்ள பழங்கள் மிகவும் பயனுள்ளதாக இருக்கும். ஆகையால் சிறுநீரக கல் பிரச்சனையால் பாதிக்கப்பட்டுள்ளவர்கள் இளநீர், தர்பூசணி, முலாம்பழம் போன்ற பழங்களை உட்கொள்வதை அதிகரிக்கலாம்.

- சிறுநீரகக் கற்கள் அதிகரிக்கும் போது, ​​கால்சியம் நிறைந்த பழங்களை முடிந்தவரை அதிகமாக உட்கொள்ள வேண்டும். இதற்கு கருப்பட்டி, திராட்சை, கிவி போன்ற பழங்களை சாப்பிட வேண்டும்.

- சிறுநீரகக் கல் உள்ள நோயாளிகள் சிட்ரஸ் பழங்களை அதிக அளவில் சாப்பிட வேண்டும். ஏனெனில் இது சிறுநீரக பிரச்சனைகளை நீக்குவது மட்டுமல்லாமல் நோய் எதிர்ப்பு சக்தியையும் அதிகரிக்கும். இதற்கு ஆரஞ்சு, சாத்துக்குடி திராட்சைகளை அதிகமாக சாப்பிடலாம்.

(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | உயிரற்ற நரம்புகளுக்கும் உயிர் கொடுக்கும் ‘மேஜிக்’ மசாலா!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ