Ahaana Krishna: ഒരു യൂട്യൂബ് കുടുംബം! നടൻ കൃഷ്ണ കുമാറിന്റെ കുടുംബത്തെ അങ്ങനെയാണ് ഇപ്പോൾ മലയാളികൾ വിശേഷിപ്പിക്കുന്നത്. അച്ഛനും, അമ്മയ്ക്കും 4 മക്കൾക്കും യൂട്യൂബ് ചാനലുണ്ട്. അതുകൊണ്ട് തന്നെ ഈ താരകുടുംബത്തിന് നിരവധി ആരാധകരുമുണ്ട്.
എല്ലാവരും വ്യത്യസ്ഥമായ കണ്ടന്റുകളുമായി ആണ് ആരാധകർക്ക് മുന്നിൽ എത്തുന്നത്. ഇവർ പങ്കു വെയ്ക്കുന്ന പല വീഡിയോകൾക്കും പല തരത്തിലുള്ള മോശം കമ്മന്റുകളും വിമർശനങ്ങളും എത്താറുണ്ട്.
ഇത്തരം മോശം പ്രതികരണങ്ങൾക്ക് ഇവർ വലിയ ശ്രദ്ധ കൊടുക്കാറില്ലെങ്കിലും ഇടയ്ക്കിടെ തക്ക മറുപടി കൊടുക്കാറുണ്ട്. അത്തരത്തിൽ ഇൻസ്റ്റഗ്രാമിലൂടെ തന്റെ പോസ്റ്റുകൾക്ക് താഴെ മോശം പ്രതികരണവുമായി എത്തുന്നവർക്ക് മറുപടി നൽകിയിരിക്കുകയാണ് നടിയും സോഷ്യൽ മീഡിയ ഇൻഫ്ലുവൻസറുമായ അഹാന.
എന്നാൽ മറുപടി കൊടുത്തതു മാത്രമേ അഹാനയ്ക്ക് ഓർമ്മയുള്ളൂ. പിന്നെ സംഭവിച്ചതെല്ലാം പെട്ടെന്നായിരുന്നു. സംഗതി ഇങ്ങനെയാണ്. തന്റെ പുത്തൻ ചില ചിത്രങ്ങൾക്കൊപ്പം അഹാന കുറിച്ച ക്യാപ്ഷനാണ് താരത്തെ ഇപ്പോൾ എയറിലാക്കിയിരിക്കുന്നത്.
തനിക്ക് വരുന്ന മോശം കമ്മന്റ്സുകൾ കാണുമ്പോൾ അവരോട് പുച്ഛമാണ് തോനുന്നത് എന്നാണ് അഹാന കുറിച്ചത്. അതിന് താഴെ പലവിധ കമ്മന്റുകളാണ് എത്തുന്നത്.
ഈ ഡയലോഗ് അച്ഛനോട് കൊല്ലംകാർ പറഞ്ഞതാണോ, നിന്നെ കാണുമ്പോൾ ഞങ്ങൾക്കും ഇത് തന്നെയാണണ് തോനുന്നത്. താനെന്തോ വലിയ സംഭവമാണെന്നാണ് നിന്റെ വിചാരം, പോസ്റ്റ്‌ കാണുന്ന ഞങ്ങൾക്കും ഇതൊക്കെ തന്നെ തോന്നുന്നത് എന്നിങ്ങനെ പോകുന്നു കമ്മന്റുകൾ.
എന്നാൽ മറ്റു ചിലർ അഹാനയെ അനുകൂലിച്ചു കൊണ്ടും കമ്മന്റുകളുമായി എത്തുന്നുണ്ട്. ഫോട്ടോകൾ മനോഹരമായിട്ടുണ്ടെന്നും ചിലയാളുകൾക്ക് കൊടുക്കേണ്ട മറുപടിയാണ് ഇതെന്നുമൊക്കെ കമ്മന്റുകൾ എത്തുന്നു.
സോഷ്യൽ മീഡിയയിൽ ഏറെ സജീവമായിട്ടുള്ള താരമാണ് അഹാന. ഇടയ്ക്കിടെ ഫോട്ടോഷൂട്ട് ചിത്രങ്ങളുമായി എത്താറുണ്ട്. അച്ഛൻ കൃഷ്ണ കുമാർ ഇത്തവണ ലോക്സഭാ തിരഞ്ഞെടുപ്പിൽ കൊല്ലത്ത് നിന്നും മത്സരിച്ചിരുന്നു.
