தமிழ்நாட்டில் வரும் மக்களவை தேர்தல் எவ்வித சொத்துகளும் இல்லாமல், சொத்து மதிப்பு பூஜ்யமாக இருக்கும் 8 வேட்பாளர்கள் தமிழ்நாட்டில் இருந்து போட்டியிடுகின்றனர். அதுகுறித்து இங்கு காணலாம்.
இவர்களுக்கு அசையும் சொத்து, அசையா சொத்து என எதுவுமே இல்லை. குறிப்பாக இந்த 8 பேரும் சுயேச்சை வேட்பாளர்கள் ஆவர்.
திருநெல்வேலி மக்களவை தொகுதியில் சுயேச்சையாக போட்டியிடும் சுரேஷ் என்ற வேட்பாளரின் சொத்து மதிப்பு பூஜ்யம் என தேர்தல் வேட்புமனு தாக்கலில் தகவல் தெரிவிக்கப்பட்டுள்ளது.
திருச்சி தொகுதியில் இருந்து போட்டியிடும் ஆர். அன்பின் அமுதன் என்ற சுயேச்சை வேட்பாளரின் சொத்து மதிப்பு பூஜ்யம் என தெரிவிக்கப்பட்டுள்ளது.
விழுப்புரம் (sc) மக்களவை தொகுதியில் இருந்து சுயேச்சையாக போட்டியிடும் குணசேகரன் என்பவரின் சொத்து மதிப்பு பூஜ்யம் என தெரிவிக்கப்பட்டுள்ளது.
அதே, விழுப்புரம் (sc) மக்களவை தொகுதியில் இருந்து சுயேச்சையாக போட்டியிடும் சத்யராஜ்.என் என்பவரின் சொத்து மதிப்பும் பூஜ்யம் என தெரிவிக்கப்பட்டுள்ளது.
கிருஷ்ணகிரி தொகுதியில் சுயேச்சையாக போட்டியிடும் எஸ்.ஆல்பர்ட் பிரான்சிஸ் சேவியர் என்பவரின் சொத்து மதிப்பும் பூஜ்யம் என தெரிவிக்கப்பட்டுள்ளது.
வேலூர் தொகுதியில் பிபி ஜெயபிரகாஷ் என்ற வேட்பாளரின் சொத்து மதிப்பும் பூஜ்யம் என தெரிவிக்கப்படுகிறது.
அதேபோல் அரக்கோணத்தில் அனைத்திந்திய ஜனநாயக மக்கள் கழகம் கட்சியின் வேட்பாளரான கே.விஜயன் என்பவரின் சொத்து மதிப்பும் பூஜ்யம் என தெரிவிக்கப்பட்டுள்ளது.
தென்சென்னை மக்களவை தொகுதியில் தேவேந்திரன் என்ற சுயேச்சை வேட்பாளரின் சொத்து மதிப்பும் பூஜ்யம் ஆகும்.
