சிவகார்த்திகேயன் நடிப்பில் கோடை விடுமுறை விருந்தாக வெளியாகி ஓடிக்கொண்டிருக்கிறது டான் திரைப்படம்.
அட்லியிடம் உதவி இயக்குநராக பணியாற்றிவந்த சிபி சக்கரவர்த்தி இயக்குநராக அறிமுகமாகியுள்ள இந்தப் படம் கடந்த 13ஆம் தேதி ரிலீஸ் ஆனது. லைகா மற்றும் சிவகார்த்திகேயன் இணைந்து தயாரித்துள்ள இப்படத்தை உதயநிதியின் ரெட் ஜெயண்ட்ஸ் மூவிஸ் நிறுவனம் தமிழகத்தில் வெளியிட்டுள்ளது.
பெருவாரியாக நல்ல விமர்சனங்களையே பெற்றுவரும் இப்படம் வசூலையும் தொடர்ந்து குவித்துவருகிறது. அந்த வகையில் சீமாராஜாவுக்குப் பிறகு சிவகார்த்திகேயனுக்கு முதல் நாளில் அதிக வசூலை ஈட்டித் தந்த படம் எனும் சாதனையையும் இந்த டான் நிகழ்த்தியுள்ளது.
இந்நிலையில் இப்படத்தின் வெற்றியை படக்குழு கேக் வெட்டிக் கொண்டாடியுள்ளது. டான் எனும் படத்தின் தலைப்பை போஸ்டரில் உள்ள அதே ஸ்டைலில் கேக்கில் வடிவமைத்துள்ளனர். அதற்குக் கீழே ப்ளாக்பஸ்டர் எனவும் எழுதப்பட்டுள்ளது இந்தப் புகைப்படங்களை லைக்கா நிறுவனம் ட்விட்டர் பக்கத்தில் பகிர்ந்துள்ளது.
மேலும் படிக்க | ‘சூப்பர் ஒயிட்’! - இணையத்தில் வைரலாகும் அஜித்தின் லேட்டஸ்ட் புகைப்படங்கள்!
சிவகார்த்திகேயன், இயக்குநர் சிபி சக்கரவர்த்தி எஸ்.ஜே.சூர்யா, சிவாங்கி உள்ளிட்ட படக்குழுவினர் இந்த நிகழ்வில் கலந்துகொண்டுள்ளனர். இந்த புகைப்படங்கள் தற்போது இணையத்தில் ட்ரெண்ட் ஆகிவருகின்றன.
அதே நேரம் இப்படத்தின் நாயகியான பிரியங்கா அருள் மோகன் இந்தப் புகைப்படத்தில் இல்லை. அவர் கலந்துகொண்டாரா இல்லையா, கலந்துகொள்ளவில்லை எனில் அதற்கான காரணம் என்ன என ரசிகர்கள் கேள்வி எழுப்பிவருகின்றனர்.
மேலும் படிக்க | ராம் சரணுடன் இணையும் லோகேஷ் கனகராஜ்? - விஜய் படம் கைவிடப்படுகிறதா?!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
