யூரிக் அமிலம் ஒரு கழிவுப் பொருளாகும், மேலும் உடல் பியூரின்களை உடைக்கும்போது உடலில் உருவாகிறது. பியூரின்கள் உடலில் உற்பத்தி செய்யப்படும் பொருட்கள் மற்றும் சில உணவுகள் மற்றும் பானங்களில் காணப்படுகின்றன. பல வகையான மீன், கல்லீரல், ஒயின் மற்றும் சிவப்பு இறைச்சி போன்ற நீங்கள் உண்ணும் பல உணவுகளில் இது அதிகமாக உள்ளது.
இந்நிலையில் உங்கள் உடலில் யூரிக் அமிலம் அதிகமாக இருந்தால், அது உங்கள் மூட்டுகளில் வீக்கம் மற்றும் வலியை ஏற்படுத்தும் படிகங்களை (சிறிய கற்கள்) உருவாக்கலாம். அதிக யூரிக் அமிலம் இருப்பது கீல்வாதம் போன்ற வலியை ஏற்படுத்தும். இது சிறுநீரக கற்களையும் உண்டாக்கும். எனவே இதை நீங்கள் தவிர்க்க விரும்பினால், நீங்கள் பியூரின்கள் நிறைந்த உணவுகளை சாப்பிடுவதையும் குடிப்பதையும் தவிர்க்க வேண்டும். அவை என்ன உணவுகள் என்பதை இங்கே தெரிந்துக்கொள்வோம்.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றும் முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | அசிங்கமான மஞ்சள் நிற பற்களை நொடியில் வெள்ளையாக்க இந்த வீட்டு வைத்தியம் போதும்
பியூரின் நிறைந்த உணவுகள் யூரிக் அமிலத்தை அதிகரிக்கும்:
யூரிக் அமிலம் அதிகரிப்பது ஒரு தீவிர பிரச்சனை. இரத்தத்தில் யூரிக் அமிலத்தின் அதிக அளவு ஹைப்பர்யூரிசிமியா என்று அழைக்கப்படுகிறது. இது கீல்வாதம் மற்றும் சிறுநீரக கற்களை ஏற்படுத்தும். யூரிக் அமிலம் பியூரின் என்ற தனிமத்தில் இருந்து தயாரிக்கப்படுகிறது. நீங்கள் உண்ணும் சில பொருட்களில் பியூரின்கள் அதிக அளவில் காணப்படுகின்றன. யூரிக் அமில அளவை அதிகரிக்கக்கூடிய சில உணவுகள் இங்கே கொடுக்கப்பட்டுள்ளன.
உறுப்பு இறைச்சிகள்
கல்லீரல், கிட்னி மற்றும் பிற உறுப்பு இறைச்சிகளில் பியூரின்கள் அதிகம். யூரிக் ஆசிட் பிரச்சனை இருந்தால், அவற்றிலிருந்து விலகி இருப்பது நல்லது.
கடல் உணவுகள்
நெத்திலி, மத்தி, ஸ்காலப்ஸ் மற்றும் ஹெர்ரிங் உள்ளிட்ட சில வகையான கடல் உணவுகளில் பியூரின்கள் அதிகம். எனவே இந்த உணவுகளை தவிர்ப்பது நல்லது.
சிவப்பு இறைச்சி
மாட்டிறைச்சி, பன்றி இறைச்சி மற்றும் செம்மறி இறைச்சியில் பியூரின்கள் அதிக அளவில் காணப்படுகின்றன, இதன் நுகர்வு புல்லட்டின் வேகத்தில் யூரிக் அமில அளவை அதிகரிக்கிறது.
மதுபானம் மற்றும் பீர்
எந்த வகையான ஆல்கஹால், குறிப்பாக பீர் அதிகப்படியான நுகர்வு, அதிக அளவு ப்யூரின்களைக் கொண்டிருப்பதால், யூரிக் அமிலத்தை அதிகரிக்கும் அபாயம் உள்ளது.
குளிர் பானங்கள் மற்றும் சர்க்கரை பானங்கள்
அதிக பிரக்டோஸ் கார்ன் சிரப் மற்றும் சர்க்கரை பானங்கள் யூரிக் அமிலத்தின் அளவை விரைவாக அதிகரிக்கலாம். சந்தையில் கிடைக்கும் குளிர்பானங்கள் மற்றும் சுவையூட்டப்பட்ட பானங்கள் இதற்கு உதாரணம்.
சில பருப்பு வகைகள் மற்றும் காய்கறிகள்
இவை தவிர, உலர் பீன்ஸ் மற்றும் பட்டாணி, பருப்பு வகைகள், அஸ்பாரகஸ், கீரைகள், காலிஃபிளவர் மற்றும் காளான் போன்ற சில காய்கறிகளில் மற்ற காய்கறிகளை விட பியூரின்கள் அதிகம்.
முழு தானியங்கள்
ஓட்ஸ் மற்றும் கோதுமை தவிடு போன்ற சில முழு தானியங்களில் பியூரின்கள் அதிகம். இவற்றின் அதிகப்படியான நுகர்வு யூரிக் அமிலத்தை அதிகரிக்கும் மற்றும் அறிகுறிகள் தீவிரமடையும்.
யூரிக் அமிலத்தை இயற்கையாகவே குறைக்க உதவும் உணவுகள்:
வாழைப்பழம்
வாழைப்பழம் மிகவும் குறைந்த பியூரின் உணவு. இது வைட்டமின் சியின் நல்ல மூலமாகவும் உள்ளது. உங்கள் வீட்டில் உள்ளவர்களுக்கு கீல்வாதம் இருந்தால், வாழைப்பழத்தை கண்டிப்பாக உட்கொள்ள கூறவும்.
குறைந்த கொழுப்புள்ள பால் அல்லது தயிர்
குறைந்த கொழுப்புள்ள பால் மற்றும் குறைந்த கொழுப்புள்ள தயிர் உங்கள் யூரிக் அமில அளவைக் குறைக்க உதவுவதாக பல ஆராய்ச்சிகள் காட்டுகின்றன. அதுமட்டுமின்றி, இது உங்கள் உடலில் உள்ள யூரிக் அமிலத்தை அகற்றவும் உதவுகிறது.
காபி
காபி உடலில் உள்ள பியூரின்களை உடைக்கும் நொதியை நடுநிலையாக்குகிறது. அதன் நுகர்வு யூரிக் அமிலத்தின் உற்பத்தி விகிதத்தை குறைக்கும் காரணம் இதுதான். கூடுதலாக, இது யூரிக் அமிலத்தை அகற்றும் உடலின் திறனை அதிகரிக்கிறது.
சிட்ரஸ் பழங்கள்
நெல்லிக்காய், எலுமிச்சை, ஆரஞ்சு, பப்பாளி, அன்னாசி போன்ற சிட்ரஸ் பழங்களில் வைட்டமின் சி அதிகம் உள்ளது. இயற்கையாகவே யூரிக் அமில அளவைக் குறைக்க அவற்றின் நுகர்வு உதவுகிறது.
நார்ச்சத்து நிறைந்த உணவுகள்
ஓட்ஸ், செர்ரி, ஆப்பிள், பேரிக்காய், ஸ்ட்ராபெர்ரி, ப்ளூபெர்ரி, வெள்ளரிகள், செலரி, கேரட் மற்றும் பார்லி போன்ற உணவுகளில் கரையக்கூடிய நார்ச்சத்து அதிகம் உள்ளது. நார்ச்சத்து உட்கொள்வது சீரம் யூரிக் அமிலத்தின் செறிவைக் குறைக்கிறது.
மேலும் படிக்க | உடற்பயிற்சி செய்யாமல் உடல் எடையை குறைப்பது எப்படி..? இந்த டிப்ஸை படிங்க..!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
