EPFO Update: தொழிலாளர் வருங்கால வைப்பு நிதி (EPF) மற்றும் ஓய்வூதியத் திட்டத்தின் பலன்களை வெளிநாட்டுத் தொழிலாளர்களுக்கு வழங்குவது அரசியலமைப்புக்கு எதிரானது என்று கர்நாடக உயர் நீதிமன்றம் கூறியுள்ளது. சட்டத்தில் திருத்தம் செய்யப்பட்டு 15 ஆண்டுகளுக்குப் பிறகு நீதிமன்றத்தின் தீர்ப்பு வந்துள்ளது. சர்வதேச தொழிலாளர்களுக்கு பிராவிடண்ட் ஃபண்ட் (PF) மற்றும் ஓய்வூதியத் திட்டத்தின் பலன்களை வழங்குவதற்காக சட்டத்தில் திருத்தம் செய்யப்பட்டு கொண்டுவரப்பட்ட விதிகளை உயர் நீதிமன்றம் ரத்து செய்துள்ளது. இவை அரசியலமைப்பிற்கு எதிரானது என்றும் தன்னிச்சையானது என்றும் நீதிமன்றம் குறிப்பிட்டுள்ளது.
உயர் நீதிமன்றத்தின் இந்தத் தீர்ப்பை எதிர்த்து அரசும், ஊழியர் வருங்கால வைப்பு நிதி அமைப்பும் (EPFO) போராடக்கூடும் என்று நம்பப்படுகிறது. நீதிமன்றத்தின் இந்த முடிவு சமூக பாதுகாப்பு திட்டத்தில் பங்களித்த அல்லது தற்போது அதில் அங்கம் வகிக்கும் ஆயிரக்கணக்கான வெளிநாட்டு ஊழியர்களை பாதிக்கும். இது தொடர்பாக சிலர் மனு தாக்கல் செய்திருந்தனர். கல்வி, தளவாடங்கள், ரியல் எஸ்டேட் மற்றும் தொழில்நுட்பம் போன்ற துறைகளைச் சேர்ந்தவர்கள் மனு தாக்கல் செய்தவர்களில் அடங்குவர். இந்த விதிகள் சட்டத்தின் முன் சமத்துவத்திற்கான உரிமையை வழங்கும் அரசியலமைப்பின் 14 வது பிரிவை மீறுவதாக வாதிக்கப்பட்டது.
இந்திய மற்றும் வெளிநாட்டு தொழிலாளர்களுக்கு இடையே பாகுபாடு காட்டப்படுவதாக தங்கள் புகாரில் தெரிவிக்கப்பட்டுள்ளதாக ஒரு குறிப்பில் தெரிவிக்கப்பட்டுள்ளது. வெளிநாட்டு ஊழியர்களின் சம்பளம் எதுவாக இருந்தாலும், அவர்கள், PF திட்டத்தின் கீழ் உள்ள பலன்களைப் பெறுகிறார்கள். ஆனால், ரூ 15,000 க்கு மேல் சம்பளம் வாங்கும் உள்நாட்டுப் பணியாளர்களுக்கு இந்த வசதி இல்லை. வெளிநாட்டு தொழிலாளர்கள் இந்தியாவில் ஒரு குறிப்பிட்ட காலத்திற்கு வேலை செய்கிறார்கள் என்றும் அவர்களின் மொத்த உலகளாவிய சம்பளத்தில் பங்களிப்பு செலுத்துவது ஈடுசெய்ய முடியாத தீங்கு விளைவிக்கும் என்றும் விவாதிக்கப்பட்டது. உயர் நீதிமன்றத்தின் இந்தத் தீர்ப்பு வெளிநாட்டுத் தொழிலாளர்களுக்கும், அரசுக்கும் பல சவால்களை உருவாக்கியுள்ளது.
இதில் உள்ள பிரச்சனை என்ன?
16 ஆண்டுகளுக்கு முன்பு இந்த விதிமுறைகள் அறிமுகப்படுத்தப்பட்டதால், இந்த முடிவு பரவலான தாக்கங்களை ஏற்படுத்தும் என்று சந்தை வல்லுனர்கள் கூறுகிறார்கள். சர்வதேச ஊழியர்கள் பங்களிப்பை நிறுத்த வேண்டுமா? முன்னர் பங்களிப்பை அளித்து இப்போது நாட்டை விட்டு வெளியேறியவர்கள் 58 வயதை அடைவதற்கு முன்பே பணத்தைத் திரும்பப் பெற முடியுமா? அத்தகைய பங்களிப்பு மற்றும் வட்டிக்கு செலுத்தப்படும் வருமான வரி என்னவாகும்? இப்படி பல கேள்விகள் எழ வாய்ப்புள்ளது.
ஏப்ரல் 25 உத்தரவில், நீதிபதி கே.எஸ்.ஹேமலேகா, குறைந்த ஊதியம் பெறும் ஊழியர்கள் ஓய்வூதிய பலன்களைப் பெறுவதையும், அதிக ஊதியம் பெறும் ஊழியர்களுக்கு இந்தச் சட்டத்தின் பலன் கிடைக்காமல் இருப்பதையும் உறுதி செய்வதற்காக 1952ஆம் ஆண்டு ஊழியர்களின் வருங்கால வைப்பு நிதி மற்றும் இதர ஒதுக்கீடுகள் சட்டம் உருவாக்கப்பட்டது என்று கூறினார். EPF இன் பத்தி 83 (சர்வதேச தொழிலாளர்களுக்கானது) துணைச் சட்டத்தின் தன்மையில் உள்ளது என்றும் இது சட்டத்தின் எல்லைக்கு அப்பால் செல்ல முடியாது என்று கூறப்படுகிறது. வெளிநாட்டில் பணிபுரியும் இந்திய ஊழியர்களை தொடர்ந்து பிஎஃப் நிதிக்கு 15,000 ரூபாய் வழங்க அனுமதிப்பதும், வெளிநாட்டு ஊழியர்களை முழு சம்பளத்தையும் பங்களிக்க கூறுவதும் பாரபட்சமானது என்றும், 14-வது விதியை மீறுவது என்றும் அந்தத் தீர்ப்பில் கூறப்பட்டுள்ளது.
மத்திய அரசின் வாதம் என்னவாக இருந்தது?
சமூகப் பாதுகாப்பு ஒப்பந்தங்களை மதிக்கும் வகையில் பரஸ்பர நடவடிக்கையாக இந்த பங்களிப்புகள் கட்டாயமாக்கப்பட்டுள்ளதாக வைக்கப்பட்ட மத்திய அரசின் வாதத்தை உயர் நீதிமன்றம் தற்காலிகமாக நிராகரித்தது. இந்த ஒப்பந்தங்களின் காரணமாக, வெளிநாட்டு ஊழியர்களுக்கு உறுப்பினர் ஆவதில் இருந்து விலக்கு அளிக்கப்படுகிறது அல்லது 58 வயது வரை காத்திருக்காமல் அவர்கள் இந்தியாவை விட்டு வெளியேறும் வேளையில் கார்பஸை திரும்பப் பெற அனுமதிக்கப்படுகிறது. மொத்தத்தில் உயர் நீதிமன்றத்தின் இந்தத் தீர்ப்பு வெளிநாட்டுத் தொழிலாளர்களுக்கும், அரசுக்கும் பல சவால்களை உருவாக்கியுள்ளது.
மேலும் படிக்க | PF உறுப்பினர்கள் இதை செய்தால் போதும்: ரூ.50,000 கூடுதல் போனஸ் கிடைக்கும்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
