Hrithik Roshan - Fighter: ప్రెజెంట్ బాలీవుడ్‌లో దేశ భక్తి నేపథ్యంలో చాలా చిత్రాలు వస్తున్నాయి.ఈ కోవలో వచ్చిన సినిమానే ఫైటర్.సిద్ధార్ధ్ ఆనంద్ దర్శకత్వంలో హృతికో రోషన్, దీపికా పదుకొణే హీరోయిన్‌గా నటించారు. దేశ భక్తి ప్రధాన ఇతివృత్తంతో తెరకెక్కిన ఈ మూవీ రిపబ్లిక్ డే కానుకగా విడుదలై మంచి టాక్‌తో సొంతం చేసుకుంది. అయితే టాక్‌కు తగ్గట్టు ఈ సినిమా మంచి వసూళ్లను సాధించలేకపోతుంది.
ఫస్ట్ డే ఈ మూవీ అనుకున్నంత రేంజ్‌లో వసూళ్లను రాబట్టలేకపోయింది. కానీ రెండో రోజు నుంచి ఈ మూవీ మంచి కలెక్షన్స్ రాబట్టింది. అది మూడో రోజు కూడా కంటిన్యూ అయింది. హృతిక్ రోషణ్, సిద్ధార్ధ్ ఆనంద్ కలయికలో గతంలో వచ్చిన 'బ్యాంగ్ బ్యంగ్', 'వార్' చిత్రాలు బాక్సాఫీస్ దగ్గర సూపర్ హిట్‌గా నిలవడంతో 'ఫైటర్' మూవీపై భారీ అంచనాలతో విడుదలైంది. ఈ మూవీలో హృతిక్ రోషన్ సరసన తొలిసారి దీపికా పదుకొణే నటించింది. అనిల్ కపూర్ మరో ముఖ్యపాత్రలో నటించారు. ఈ చిత్రాన్ని వయాకామ్ 18 నిర్మించింది.
గణతంత్ర దినోత్సవ కానుకగా ఈ నెల 25న ఈ సినిమా వరల్డ్ వైడ్‌గా భారీ ఎత్తున రిలీజైంది. ఈ సినిమాలో హృతిక్ రోషన్ భారత్ ఎయిర్ ఫోర్స్ అధికారి పాత్రలో కనిపించారు. అంతేకాదు ఈ సినిమా మన దేశంలో తొలి ఏరియల్ యాక్షన్ ఫిల్మ్‌గా తెరకెక్కింది. గాల్లో ఫైట్స్ ప్రేక్షకులకు సరికొత్త అనుభూతిని కలిగించాయి. ఈ మూవీని పుల్వామాలో మన దేశ సైనికులపై దాడి చేసిన పాకిస్థాన్ ముష్కర మూకలను పీచ మణచడానికి మన సైనికులు పాక్ భూభాగంలోకి వెళ్లి చేసిన సర్జికల్ స్ట్రైక్ ఆధారంగా తెరకెక్కించారు. పాకిస్థాన్ పై చేసిన రెండో సర్జికల్ స్ట్రైక్. మొదటిసారి పఠాన్ కోట్ దాడి తర్వాత.. రెండోసారి మన సైనికలు వాళ్ల భూభాగంలోకి వెళ్లి చేసిన మెరుపు దాడి. ఈ రెండింటి కంటే మ్యాన్‌మార్‌లో చేసిన సర్జికల్ స్ట్రైక్ కూడా దేశ చరిత్రలో నిలిచిపోయింది.
ఈ మూవీ గురువారం .. రూ. 24.60 కోట్ల నెట్ వసూళ్లు.. శుక్రవారం.. రూ. 41.20 కోట్లు.. రూ. శనివారం రూ. 27.60 కోట్లు.. ఓవరాల్‌గా మూడు రోజుల్లో ఈ మూవీ రూ. 93.40 కోట్ల నెట్ వసూళ్లను రాబట్టింది. ఈ మూవీ మన దేశంలో రూ. 270 కోట్ల నెట్ బాక్సాఫీస్ ప్రీ రిలీజ్ బిజినెస్ చేసింంది. ఇప్పటి వరకుఈ సినిమా మన దేవంలో రూ. 150 కోట్ల నెట్ వసూళ్లను సాధించింది. మరో రూ. 120 కోట్లు రాబడితే ఈ సినిమా సక్సెస్ అందుకుంటుంది. ఈ సినిమాకు వచ్చిన టాక్‌కు వచ్చిన వసూళ్లకు అసలు పొంతనే లేదు. దీంతో బాలీవుడ్ ట్రేడ్ పండితులు సైతం ఈ వసూళ్లు చూసి షాక్ అవుతున్నారు.
మరోవైపు ఈ సినిమా ఓవర్సీస్ మార్కెట్‌లో దుమ్ము దులుపుతోంది. ఇప్పటికే అక్కడ $ 5 మిలియన్ యూఎస్ డాలర్స్ కలెక్ట్ చేసి మంచి హోల్డ్ చూపిస్తోంది. అక్కడి ఆడియన్స్ ఈ సినిమాను చూసి ప్రశంసలు కురిపిస్తున్నారు. అక్కడ మరో రెండు మిలియన్ డాలర్స్ వరకు కలెక్ట్ చేసే అవకాశాలున్నాయి. ఓవరాల్‌గా భారతీయ ప్రేక్షకులను అంతగా చూడని ఈ సినిమా ఓవర్సీస్ ఆడియన్స్‌ను మాత్రం తెగ చూస్తున్నారు.
మొత్తంగా ఈ మూవీ ఏ మేరకు బాక్సాఫీస్ దగ్గర పర్ఫామ్ చేస్తుందో చూడాలి. ఈ మూవీని వయాకామ్ 18 సంస్థ మార్‌ఫ్లిక్స్ సంస్థ నిర్మించింది. సిద్ధార్ధ్ ఆనంద్ ఈ సినిమాకు సహ నిర్మాతగా వ్యవహరిస్తున్నారు. ఈ చిత్రం మన దేశంలో తొలి ఏరియల్ ఫ్రాంఛైజీ మూవీగా వచ్చింది. ఈ చిత్రాన్ని అత్యాధునిక టెక్నాలజీతో ఎంతో ఉన్నతంగా తెరకెక్కించారు. ఈ మూవీలో గ్రాఫిక్స్ కీ రోల్ ప్లే చేసాయి.
ఈ చిత్రాన్ని కేవలం హిందీలో మాత్రమే విడుదల చేసారు. ఆ సంగతి పక్కన పెడితే.. ఈ చిత్రాన్ని మన దేశంతో పాటు విదేశాల్లో విడుదల చేస్తున్నారు. దేశ భక్తి నేపథ్యంలో దాయాది దేశం పాకిస్థాన్ పై చేసిన సర్జికల్ దాడుల నేపథ్యంలో తెరకెక్కడంతో ఈ మూవీని కొన్ని మిడిల్ ఈస్ట్ ఇస్లామిక్ దేశాలైన పాకిస్థాన్‌లో పాటు ఇరాన్, సిరియా, సౌదీ అరేబియా దేశాలు ఈ మూవీ రిలీజ్ పై బ్యాన్ విధించాయి. ఒక్క యునైడెట్ అరబ్ ఎమిరేట్స్‌లో మాత్రమే ఈ మూవీ రిలీజ్ అయింది. ఇక హృతిక్ రోషన్ సినిమాల విషయానికొస్తే.. ఈయన ఎన్టీఆర్‌తో కలిసి 'వార్ 2' మూవీ చేస్తున్నారు. యశ్ రాష్ ఫిల్మ్స్ స్పై యూనివర్స్ బ్యానర్ పై వస్తోన్న ఈ చిత్రానికి అయాన్ ముఖర్జీ దర్శకుడు. మార్చిలో ఎన్టీఆర్, హృతిక్ రోషన్ పాల్గొనే సీన్స్ షూట్ చేయనున్నారు. మరో వైపు హృతిక్ తన తండ్రి రాకేష్ రోషన్ దర్శకత్వంలో ‘క్రిష్ 4’ మూవీ చేయనున్నారు.
Also Read: IT Slabs: ఉద్యోగులపై జాలి చూపని నిర్మలమ్మ.. పొగడ్తలు తప్ప ఒక్క రూపాయి లాభం లేదు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter.
