2024 India General Election: வரும் லோக்சபா தேர்தலுக்கான தேதியை இந்திய தேர்தல் கமிஷன் மார்ச் 16, சனிக்கிழமையன்று அறிவித்தது. தமிழகத்தில், முதல் கட்டமாக, ஏப்ரல், 19ம் தேதி தேர்தல் நடத்தப்பட்டு, ஜூன் 4ம் தேதி, நாடு முழுவதும் தேர்தல் முடிவுகள் வெளியாகும். இந்தியா முழுவதும் ஏழு கட்டங்களாக மக்களவைத் தேர்தல் நடக்க உள்ளது. தமிழ்நாட்டை பொறுத்தவரை வேட்புமனு தாக்கல் செய்வதற்கான கடைசி தேதி மார்ச் 27 மற்றும் வேட்புமனுவை திரும்பப் பெறுவதற்கான கடைசி தேதி மார்ச் 30 ஆகும். இந்நிலையில் அரசியல் கட்சிகள் தங்கள் போட்டியிடும் தொகுதிகள் குறித்து பட்டியலை வெளியிட்டு வருகின்றனர். அந்த வரிசையில் தமிழ்நாட்டில் காங்கிரஸ் கட்சி போட்டியிடும் தொகுதிகள் அறிவிக்கப்பட்டு உள்ளன.
தமிழ்நாட்டில் நான்கு முனைப் போட்டி
மக்களவைத் தேர்தலுக்காக கூட்டணி குறித்த அறிவிப்புகள் அடுத்தடுத்து வெளியாகி வரும் நிலையில், தமிழகம் நான்கு முனைப் போட்டியை நோக்கிச் செல்வதாகத் தெரிகிறது. திராவிட முன்னேற்றக் கழகம் (திமுக), அகில இந்திய திராவிட முன்னேற்றக் கழகம் (அதிமுக), பாரதிய ஜனதா கட்சி (பாஜக), நாம் தமிழர் கட்சி (என்டிகே) என நான்கு கட்சிகள் தங்கள் கூட்டணிக் கட்சிகளுடன் இணைந்து தேர்தலை சந்திக்க உள்ளது.
திமுக தலைமையிலான கூட்டணி கட்சிகளின் பட்டியல்
2024 மக்களவைத் தேர்தலில் திமுக தலைமையிலான கூட்டணியில் காங்கிரஸ், விடுதலை சிறுத்தைகள் கட்சி (விசிகே), இந்திய கம்யூனிஸ்ட் கட்சி (மார்க்சிஸ்ட்) (சிபிஐ(எம்)), இந்திய கம்யூனிஸ்ட் கட்சி (சிபிஐ), மறுமலர்ச்சி திராவிட முன்னேற்றக் கழகம், இந்திய யூனியன் முஸ்லிம் லீக் (ஐயுஎம்எல்), கொங்குநாடு மக்கள் தேசிய கட்சி (கேஎம்டிகே) மற்றும் மக்கள் நீதி மய்யம் (எம்என்எம்) ஆகிய கட்சிகள் இடம் பெற்றுள்ளன. இதற்கிடையில், 2019ல் திமுகவுடன் கூட்டணி வைத்திருந்த இந்திய ஜனநாயக கட்சி (ஐஜேகே), தற்போது பாஜகவின் தேசிய ஜனநாயகக் கூட்டணியில் (என்டிஏ) இணைந்துள்ளது.
தமிழ்நாட்டில் காங்கிரஸ் போட்டியிடும் தொகுதிகள் விவரம்
திமுகவின் கூட்டணி கட்சியான காங்கிரஸ் தமிழகத்தில் 9 தொகுதிகளிலும், புதுச்சேரியில் ஒரு தொகுதியிலும் போட்டியிடுகிறது. காங்கிரஸ் போட்டியிடும் தொகுதிகள் பின்வருமாறு:
1. திருவள்ளூர் (தனி) -
2. கடலூர்
3. மயிலாடுதுறை
4. சிவகங்கை
5. திருநெல்வேலி
6. கிருஷ்ணகிரி
7. கரூர்
8. விருதுநகர்
9. கன்னியாகுமரி
10. புதுச்சேரி
2019 தேர்தலில், தேனியைத் தவிர மற்ற அனைத்து தொகுதிகளிலும் காங்கிரஸ் போட்டியிட்டு வென்றது, அங்கு அதிமுக முன்னாள் தலைவர் ஓ.பன்னீர்செல்வத்தின் (ஓ.பி.எஸ்) மகன் பி.ரவீந்திரநாத் குமார் வெற்றி பெற்றார். இதன்மூலம் தமிழ்நாட்டில் தேசிய ஜனநாயகக் கூட்டணி (என்.டி.ஏ) ஒரே ஒரு தொகுதியில் மட்டுமே வெற்றி பெற்றது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
