भारतीय क्रिकेट संघाचा कर्णधार रोहित शर्मा हा देशातील सर्वात श्रीमंत क्रिकेटपटूंपैकी एक आहे.
मात्र रोहितचं बालपण मध्यमवर्गीय कुटुंबातचं गेलं.
रोहित शर्माची एकूण संपत्ती म्हणजे नेट वर्थ 214 कोटी इतकी असल्याचा एक अंदाज आहे.
मात्र एक काळ असाही होता की रोहित शर्माच्या कुटुंबाकडे रोहितला शाळेत प्रवेश मिळवून देण्यासाठी फीचे 275 रुपयेही नव्हते.
आर्थिक चणचण असल्याने रोहित शर्मा त्याच्या आई-वडिलांऐवजी डोंबिवलीऐवजी आजी-आजोबांबरोबर बोरिवलीला राहत होता.
क्रिकेटपटू सिद्धेश लाडचे वडील आणि प्रशिक्षक दिनेश लाड हे एकदा उन्हाळी शिबिरामध्ये रोहित शर्माची फलंदाजी पाहून प्रभावित झाले.
दिनेश लाड यांनी रोहित शर्माला शाळा बदलून त्यांच्या शाळेत दाखला घेण्याचं सुचवलं.
मात्र रोहित शर्माच्या वडिलांनी दिनेश लाड यांची ही विनंती फेटाळू लावली आणि मुलाची शाळा बदलणार नाही असं सांगितलं.
रोहितच्या वडिलांनी नकार देण्यामागील कारण होतं शाळेची फी! रोहित ज्या शाळेत होता तिथे फी 30 रुपये होती.
दिनेश लाड यांच्या शाळेची फी 275 रुपये होती. एवढी फी आपल्याला परवडणार नाही, असं रोहितच्या वडिलांचं म्हणणं होतं.
मात्र काहीही करुन रोहितला शाळेत दाखला मिळवून द्यायचा असं ठरवलेल्या दिनेश लाड यांनी मुख्यध्यापकांना विशेष विनंती करुन सवलतीच्या दरात रोहितला दाखला मिळवून दिला.
रोहित शर्माने दिनेश लाड यांच्या प्रशिक्षणाखाली खेळण्यास सुरुवात केली आणि त्याचं आयुष्य बदलून गेलं.
रोहितचे प्रशिक्षक दिनेश लाड यांना नुकताच द्रोणाचार्य पुरस्कारही प्राप्त झाला आहे.