Loksabha Election 2024 Live Updates: पंतप्रधान नरेंद्र मोदींच्या प्रचारसभांचा धडाका आजपासून महाराष्ट्रात सुरु होत असून पुढील 2 दिवसांमध्ये पंतप्रधान राज्यात तब्बल 6 मतदरासंघांमध्ये सभा घेणार आहेत. तर दुसरीकडे आज अनेक उमेदवार आपला उमेदवारी अर्ज सादर करणार आहेत. दिवसभरातील वेगवेगळ्या राजकीय घडामोडींवर आपण या लाइव्ह ब्लॉगच्या माध्यमातून नजर टाकणार आहोत...
29 Apr 2024, 09:33 वाजता
ठाण्यात आदित्य ठाकरेंच्या उपस्थित विचारे भरणार अर्ज
आदित्य ठाकरेंच्या उपस्थितीत आज ठाण्यात मविआचे उमेदवार राजन विचारे अर्ज भरतील. ते आज रोड शो करून शक्तिप्रदर्शन करणार आहेत. येथील महायुतीचा उमेदवार अजून ठरलेला नाही.
29 Apr 2024, 09:31 वाजता
नाशिकमध्ये राजाभाऊ वाजे भरणार अर्ज; राऊत राहणार उपस्थित
नाशिकमध्ये अपक्ष उमेदवार स्वामी शांतिगिरी महाराज उमेदवारी अर्ज भरणार आहेत. रामकुंडावरून रॅली काढत ते शक्तिप्रदर्शन करणार आहेत. तर मविआचे उमेदवार राजाभाऊ वाजेही आज अर्ज भरतील. यावेळी संजय राऊत उपस्थित असणारेत. नाशिकमध्ये अजून महायुतीचा उमेदवारच ठरलेला नाही.
29 Apr 2024, 09:29 वाजता
अनेकजण भरणार अर्ज
महाराष्ट्रातील पाचव्या टप्प्यासाठी आज अर्ज भरण्याचा दिवस आहे. धुळे, नाशिक, ठाणे, मुंबईतले उमेदवार शक्तिप्रदर्शन करत उमेदवारी अर्ज दाखल करतील. धुळ्यात भाजपचे उमेदवार डॉ. सुभाष भामरे आपला उमेदवारी अर्ज दाखल करतील. यावेळी मंत्री गिरीश महाजन, दादा भुसे उपस्थित असतील. धुळ्यातले वंचितचे उमेदवार अब्दुल रहमानही अर्ज भरतील. धुळ्यात भामरे आणि रहमान यांची लढत काँग्रेसच्या शोभा बच्छाव यांच्याशी होतेय.
29 Apr 2024, 09:21 वाजता
पवारांची दुसरी सभा फलटणमध्ये
शरद पवारांची आजची दुसरी सभा संध्याकाळी 6 वाजता फलटणमध्ये होणार आहे. मोहिते पाटील यांच्या प्रचारासाठी या सभेचं आयोजन करण्यात आलं आहे.
29 Apr 2024, 09:19 वाजता
वाईमध्ये शरद पवारांची सभा
सातारा लोकसभा निवडणुकीच्या अनुषंगाने महाविकास आघाडीचे उमेदवार शशिकांत शिंदे यांच्या प्रचारासाठी आज शरद पवारांच्या सभेचं आयोजन करण्यात आलंय. वाई इथे संध्याकाळी 4 वाजता होणा-या या सभेला शरद पवार संबोधित करणार आहेत.
29 Apr 2024, 09:17 वाजता
पुणे, मावळ, बारामती, शिरुरच्या उमेदवारासाठीही मोदी करणार प्रचार
पुण्याचे माजी महापौर आणि महायुतीचे उमेदवार मुरलीधर मोहोळ, मावळचे श्रीरंग बारणे, बारामतीच्या उमेदवार सुनेत्रा पवार आणि शिरुरचे उमेदवार शिवाजीराव आढळराव पाटील यांच्या प्रचारासाठी हडपसरमधील रेसकोर्स मैदानावर संध्याकाळी पावणेसहा वाजता मोदी सभा घेणार आहेत.
29 Apr 2024, 09:16 वाजता
मोदी करणार उदयनराजेंचा प्रचार
लोकसभा निवडणुकीच्या तिसऱ्या टप्प्यात महायुतीच्या उमेदवारांसाठी आज पंतप्रधान नरेंद्र मोदींच्या 3 सभा महाराष्ट्रात होत आहेत. सोलापूर मतदारसंघातील महायुतीचे उमेदवार राम सातपुते यांच्या प्रचारासाछी दुपरी दीड वाजता होम मैदान येथे सभा घेतली. तर उदयनराजे भोसले यांच्या प्रचारासाठी कराड येथे मोदी दुपारी पावणेचार वाजता सभा घेतील.
29 Apr 2024, 09:11 वाजता
'मोदी सरकारच्या महाराष्ट्र द्वेषाची यादी न संपणारी'; ठाकरे गट म्हणतो, 'गुजरातला वेगळा..'
कांदा निर्यातीच्या मुद्द्यावरुन ठाकरे गटाने केंद्रामध्ये सत्तेत असलेल्या पंतप्रधान नरेंद्र मोदींच्या नेतृत्वाखालील सरकारवर निशाणा साधला आहे. "केंद्रातील मोदी सरकारला अखेर महाराष्ट्रातील शेतकऱ्यांपुढे झुकावेच लागले. महाराष्ट्राची कांदा निर्यातबंदी उठविणे भाग पडले आहे. त्यावरून सत्तापक्ष स्वतःच स्वतःची पाठ थोपटून घेत आहे. मोदी यांनी महाराष्ट्रातील शेतकऱ्यांना ‘गिफ्ट’ दिले, अशा पिपाण्या वाजवीत आहे. मात्र हे गिफ्ट वगैरे काही नाही. महाराष्ट्रातील जनक्षोभासमोर मोदी सरकारने घातलेली शेपूट आहे," असं ठाकरे गटाने म्हटलं आहे. येथे क्लिक करुन वाचा सविस्तर वृत्त...
29 Apr 2024, 09:10 वाजता
मोदींच्या आगामी सभा कुठे?
उद्या म्हणजेच 30 एप्रिल रोजी माळशिरस, धाराशिव आणि लातूरमध्ये पंतप्रधान मोदींच्या प्रचारसभा होणार आहेत. तर 6 आणि 10 मे रोजी देखील मोदी राज्यात प्रचारसभा घेणार आहेत. 6 मे रोजी बीडमध्ये पंकजा मुंडेंसाठी मोदी मैदानात उतरतील. 10 मे रोजी कल्याणसहीत नगर आणि दिंडोरीच्या उमेदवारांसाठी पंतप्रधानांच्या सभा होतील.
29 Apr 2024, 09:07 वाजता
मोदींच्या आजच्या सभा कुठे?
पंतप्रधान नरेंद्र मोदींनी देशभरामध्ये सभांचा धडाका लावला आहे. मात्र त्यातही मोदींचं महाराष्ट्रावर विशेष लक्ष आहे. पहिल्या टप्प्यात महाराष्ट्रात पूर्व विदर्भातल्या 5 जागांसाठी मतदान पार पडलं. यात मोदींनी चंद्रपूर, रामटेक आणि वर्ध्यात सभा घेतल्या. दुस-या टप्प्यासाठी मोदींनी नांदेड, परभणी, अमरावतीत सभा घेतल्या. आता त्यांचं लक्ष राज्यातल्या उर्वरित तीन टप्प्यातल्या मतदानाकडे आहे. त्यासाठी आज त्यांच्या पुणे, सोलापूर आणि साता-यात सभा होतायत.
