Google Chrome Alert: ഗൂഗിൾ ക്രോം ഒഎസ് ഉടന്‍ അപ്‌ഡേറ്റ് ചെയ്യൂ, സുരക്ഷാ മുന്നറിയിപ്പ് നല്‍കി സര്‍ക്കാര്‍

Google Chrome Alert: ഗൂഗിൾ ക്രോം ഒഎസിന്‍റെ പഴയ പതിപ്പിന് വളരെ അപകടകരമായ സുരക്ഷാ പ്രശ്നങ്ങള്‍ ഉണ്ടെന്ന് സര്‍ക്കാര്‍ ഏജൻസിയായ സേര്‍ട്ട്-ഇന്‍ (ഇന്ത്യൻ കമ്പ്യൂട്ടർ എമർജൻസി റെസ്‌പോൺസ് ടീം (Cert-In) ഉപയോക്താക്കള്‍ക്ക് മുന്നറിയിപ്പ് നല്‍കുന്നു. 

Also Read:  Bharat Ratna: ചൗധരി ചരൺ സിംഗ്, നരസിംഹ റാവു, എം എസ് സ്വാമിനാഥൻ എന്നിവര്‍ക്ക് ഭാരതരത്‌ന   
 
ഇന്ത്യയുടെ ഐടി സുരക്ഷാ ഏജന്‍സിയായ സേര്‍ട്ട്-ഇന്‍ ഫെബ്രുവരി എട്ടിനാണ് ഇത് സംബന്ധിച്ച സുരക്ഷാ മുന്നറിയിപ്പ് പുറത്തിറക്കിയത്. ഗൂഗിൾ ക്രോം ഒഎസിലെ ഈ സുരക്ഷാപ്രശ്നങ്ങള്‍ പ്രയോജനപ്പെടുത്തുന്നതിലൂടെ, ഹാക്കർമാർക്ക് നിങ്ങളുടെ കമ്പ്യൂട്ടറിനെ നിയന്ത്രിക്കാനാകും. ഹാക്കർമാർക്ക് നിങ്ങളുടെ കമ്പ്യൂട്ടർ ഏറ്റെടുക്കാനും നിങ്ങളുടെ സ്വകാര്യ ഡാറ്റ ആക്‌സസ് ചെയ്യാനും കഴിയും. നിങ്ങളുടെ സിസ്റ്റത്തിൽ ലഭ്യമായ ഡാറ്റ സുരക്ഷിതമായി സൂക്ഷിക്കാൻ നിങ്ങൾ ആഗ്രഹിക്കുന്നുവെങ്കിൽ, കഴിവതും വേഗം നിങ്ങളുടെ Chrome ബ്രൗസർ അപ്ഡേറ്റ് ചെയ്യുക. Google Chrome ബ്രൗസറിന്‍റെ ഏത് പതിപ്പാണ് അപകടസാധ്യതയുള്ളതെന്ന് അറിയാം...

Also Read:  Bharat Ratna 2024: ഈ വര്‍ഷം ഭാരതരത്ന നേടിയവര്‍ 5 പേര്‍, രാജ്യം നല്‍കുന്ന ആനുകൂല്യങ്ങള്‍ എന്തെല്ലാം?  

ഗൂഗിള്‍ ക്രോം ഒഎസ് 114.0.5735.350 (പ്ലാറ്റ്‌ഫോം വേര്‍ഷന്‍ 15437.90.0) മുമ്പുള്ള പതിപ്പ് ഉപയോഗിക്കുന്നവര്‍ക്കാണ് ഭീഷണി. ഈ പതിപ്പുകള്‍ ഉപയോഗിക്കുന്നവരുടെ  കമ്പ്യൂട്ടറുകള്‍ ഹാക്കര്‍മാര്‍ക്ക് എളുപ്പത്തില്‍ കീഴടക്കാന്‍ സാധിക്കും എന്നാണ് മുന്നറിയിപ്പ്. നിങ്ങളുടെ Chrome OS പഴയതാണെങ്കിൽ, അത് ഉടൻ അപ്ഡേറ്റ് ചെയ്യുക.

എന്താണ് അപകടം?

സൈഡ് പാനല്‍ സെര്‍ച്ച് ഫീച്ചറിലെ മെമ്മറി പ്രശ്‌നങ്ങള്‍, എക്‌സ്റ്റെന്‍ഷനുകളുടെ ഡാറ്റ ഇന്‍പുട്ട് വാലിഡേറ്റ് ചെയ്യുന്നതിലെ പോരായ്മകള്‍ എന്നിവയാണ് ഈ പതിപ്പ് നേരിടുന്ന പ്രധാന പ്രശ്നങ്ങള്‍. ഈ പ്രശ്നങ്ങള്‍ കാരണം, ഹാക്കർമാർക്ക് നിങ്ങളുടെ കമ്പ്യൂട്ടറിൽ തെറ്റായ കോഡ് പ്രവർത്തിപ്പിക്കാം, പ്രധാനപ്പെട്ട കാര്യങ്ങൾ ആക്‌സസ് ചെയ്യാം, സുരക്ഷ തകർക്കാം, കൂടാതെ, നിങ്ങളുടെ കമ്പ്യൂട്ടർ പ്രവർത്തിക്കുന്നത് തടയാനും സാധിക്കും. 

സ്വയം എങ്ങനെ സംരക്ഷിക്കാം

ബ്രൗസർ അപ്ഡേറ്റ് ചെയ്യുക എന്നതാണ് ഒരേയൊരു പോംവഴി. വരാനിരിക്കുന്ന ഈ വലിയ അപകടം ഒഴിവാക്കാൻ, നിങ്ങളുടെ Chrome OS ഉടൻ അപ്‌ഡേറ്റ് ചെയ്യേണ്ടത് പ്രധാനമാണ്. നിങ്ങളുടെ ബ്രൗസർ 114.0.5735.350 പതിപ്പിലേക്ക് (അല്ലെങ്കിൽ അതിനു മുകളിലുള്ളവ) അപ്ഡേറ്റ് ചെയ്യണം. 

Chrome OS ശ്രദ്ധാപൂർവ്വം [ഉപയോഗിക്കുക

നിങ്ങളുടെ Chrome OS ഉപയോഗിക്കുമ്പോൾ ശ്രദ്ധിക്കുക എന്നതാണ് മറ്റൊരു മാർഗം. അജ്ഞാതമായതോ സംശയാസ്പദമായതോ ആയ വെബ്സൈറ്റുകൾ സന്ദർശിക്കുന്നത് ഒഴിവാക്കുക. അജ്ഞാത ഉറവിടങ്ങളിൽ നിന്നുള്ള ലിങ്കുകളിലും ഇമെയിലുകളിലും ക്ലിക്ക് ചെയ്യരുത്. ഇങ്ങനെ ചെയ്യുന്നതിലൂടെ നിങ്ങൾ ഒരുപക്ഷേ തട്ടിപ്പിന് ഇരയാകാം. 

സുരക്ഷ ശക്തിപ്പെടുത്തുക

ഇതോടൊപ്പം നിങ്ങളുടെ കമ്പ്യൂട്ടറിന്‍റെ സുരക്ഷയുടെ കാര്യത്തിലും പ്രത്യേകം ശ്രദ്ധ വേണം. നിങ്ങൾ ഒരു നല്ല ആന്‍റി വൈറസ് ഉപയോഗിക്കുകയും എല്ലാ സോഫ്‌റ്റ്‌വെയറുകളും അപ്‌ഡേറ്റ് ചെയ്യുകയും ഫയർവാൾ പ്രവർത്തിപ്പിക്കുകയും വേണം. ഇതോടെ, നശിപ്പിക്കാന്‍ ശേഷിയുള്ള ഒരു വൈറസിനും വെയറിനും നിങ്ങളുടെ സിസ്റ്റത്തിൽ പ്രവേശിക്കാൻ കഴിയില്ല. 

CERT-In ബോധവത്കരണ കാമ്പയിൻ

ഫെബ്രുവരി 1 മുതൽ 15 വരെ CERT-In “സൈബർ സ്വച്ഛത ഫോര്‍ട്ട്‌നൈറ്റ് ആഘോഷിക്കുന്നു. സൈബർ ആക്രമണങ്ങളിൽ നിന്ന് രാജ്യത്തെ സംരക്ഷിക്കുകയാണ് ഈ വാരാചരണം കൊണ്ട് ഉദ്ദേശിക്കുന്നത്. കൂടാതെ, ലാപ്‌ടോപ്പുകൾ, ഡെസ്‌ക്‌ടോപ്പുകൾ, സ്‌മാർട്ട്‌ഫോണുകൾ എന്നിവയ്‌ക്കായി eScan ബോട്ട്‌നെറ്റ് സ്കാനിംഗും ക്ലീനിംഗ് ടൂൾകിറ്റും നൽകുന്ന സൈബർ സാനിറ്റേഷൻ സെന്‍റർ (CSK) CERT-In ആരംഭിച്ചു. ഇവിടെ നിങ്ങളുടെ കമ്പ്യൂട്ടർ സൗജന്യമായി സ്കാൻ ചെയ്ത് വൃത്തിയാക്കാനും സാധിക്കും. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.