ഒൻപത് ഗ്രഹങ്ങളിൽ രാശി മാറ്റം ഏറ്റവും മന്ദഗതിയിലുള്ള ഗ്രഹമായാണ് ശനി കണക്കാക്കപ്പെടുന്നത്. ഏകദേശം രണ്ടര വർഷമെടുത്താണ് ശനിയുടെ രാശിമാറ്റം സംഭവിക്കുക. നിലവിൽ മകരത്തിലാണ് ശനി സ്ഥിതി ചെയ്യുന്നത്. ഏപ്രിൽ 29 ന് ശനിയുടെ രാശിമാറ്റം സംഭവിക്കും. ഈ സമയത്ത്, ശനി സ്വന്തം രാശിയായ കുംഭത്തിൽ പ്രവേശിക്കും. പിന്നീട് 2025 മാർച്ച് 29 വരെ കുംഭത്തിലാവും ശനി സ്ഥിതി ചെയ്യുക. ഈ സംക്രമണം ഏതൊക്കെ രാശികളെയാണ് ഏറ്റവും കൂടുതൽ ബാധിക്കുകയെന്ന് അറിയാം.
കർക്കടകം: ശനി കുംഭം രാശിയിൽ പ്രവേശിക്കുമ്പോൾ തന്നെ ഈ രാശിക്കാർക്ക് ശനി ദശ ആരംഭിക്കും. അതായത്, അടുത്ത രണ്ടര വർഷം കർക്കടക രാശിക്കാർക്ക് പലവിധ ബുദ്ധിമുട്ടുകളുമുണ്ടായേക്കാം. ഈ സമയത്ത് ചെയ്യുന്ന ഏത് ജോലിയും വളരെ ശ്രദ്ധയോടെ വേണം ചെയ്യാൻ. കാരണം ശനിയുടെ രാശിമാറ്റത്തിനാൽ ഈ രാശിക്കാർക്ക് പ്രശ്നങ്ങൾ ഉണ്ടാകാനുള്ള സാധ്യത കൂടുതലാണ്.
വൃശ്ചികം: വൃശ്ചികം രാശിക്കാർക്കും ശനിയുടെ രാശിമാറ്റം സംഭവിക്കുമ്പോൾ ശനി ദശ ആരംഭിക്കും. ഏഴര ശനിയെ പോലെ ശനി ദശയും നിങ്ങളെ ബുദ്ധിമുട്ടിക്കാൻ ഇടയുണ്ട്. ശനി ദശയുടെ ദൈർഘ്യം രണ്ടര വർഷവും ഏഴര ശനി ഏഴര വർഷക്കാലവുമാണ് എന്നതാണ് വ്യത്യാസം. ഈ സമയത്ത്, ജോലി മന്ദഗതിയിലാവും പൂർത്തിയാക്കുക. ഏത് ജോലിയിലും വിജയിക്കാൻ നിങ്ങൾ കഠിനാധ്വാനം ചെയ്യേണ്ടി വരും.
മകരം: ഈ രാശിക്കാരിൽ ഏഴര ശനിയുടെ അവസാനഘട്ടം ആരംഭിക്കും. ഈ സമയത്ത്, എല്ലാ ജോലികളിലും നിങ്ങൾക്ക് നിരവധി പ്രശ്നങ്ങൾ നേരിടേണ്ടി വന്നേക്കാമെന്നതിനാൽ നിങ്ങൾ ക്ഷമയോടെ കാത്തിരിക്കേണ്ടിവരും. മനസ് അസ്വസ്ഥമാകും. നിങ്ങൾക്ക് എല്ലാത്തരം ബുദ്ധിമുട്ടുകളും നേരിടേണ്ടി വന്നേക്കാം. ആരോഗ്യവും പെട്ടെന്ന് വഷളാകും.
കുംഭം: ശനി കുംഭം രാശിയിൽ പ്രവേശിക്കുമ്പോൾ തന്നെ കുംഭം രാശിക്കാർക്ക് ഏഴര ശനിയുടെ രണ്ടാം ഘട്ടം ആരംഭിക്കും. ഈ ഘട്ടത്തിൽ, ഒരു വ്യക്തി എല്ലാ ഭാഗത്തുനിന്നും പ്രശ്നങ്ങൾ നേരിടേണ്ടി വരും. ശാരീരികവും മാനസികവും സാമ്പത്തികവുമായ പ്രശ്നങ്ങളുണ്ടകും. അത് കൊണ്ട് തന്നെ കുംഭം രാശിക്കാർ ഈ സമയത്ത് വളരെ ശ്രദ്ധാലുവായിരിക്കണം.
മീനം: 2022 ഏപ്രിൽ 29 മുതൽ ഈ രാശിക്കാർക്ക് ഏഴര ശനി ആരംഭിക്കും. ഏഴര ശനിയുടെ ആദ്യ ഘട്ടത്തിൽ നിങ്ങൾക്ക് ശാരീരികവും സാമ്പത്തികവുമായ പ്രശ്നങ്ങൾ നേരിടേണ്ടി വന്നേക്കാം. എന്നാൽ ജാതകത്തിൽ ശനി ബലമുള്ളവർക്ക് ഈ കാലയളവിൽ നേട്ടങ്ങൾ ലഭിക്കാൻ സാധ്യതയുണ്ട്. അതേസമയം, ജാതകത്തിൽ ശനിയുടെ സ്ഥാനം ദുർബലമാകുമ്പോൾ, ഈ സമയത്ത് ശനി ദോഷം അകറ്റുന്നതിനുള്ള മാർഗങ്ങൾ സ്വീകരിക്കുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
