Yuzvendra Chahal: 2023ರ ಏಕದಿನ ವಿಶ್ವಕಪ್’ನ ಭಾರತ ಕ್ರಿಕೆಟ್ ತಂಡದಿಂದ ನಿರ್ಲಕ್ಷಿಸಲ್ಪಟ್ಟಿದ್ದ ಸ್ಟಾರ್ ಲೆಗ್ ಸ್ಪಿನ್ನರ್ ಯುಜ್ವೇಂದ್ರ ಚಹಾಲ್ ಇಂದು ದೇಶೀಯ ಕ್ರಿಕೆಟ್’ನಲ್ಲಿ ಅಬ್ಬರಿಸಿದ್ದಾರೆ. ಗುರುವಾರ ನಡೆದ ವಿಜಯ್ ಹಜಾರೆ ಟ್ರೋಫಿ 2023ರ ಮೊದಲ ಪಂದ್ಯದಲ್ಲಿ, ಅದ್ಭುತ ಬೌಲಿಂಗ್ ಮಾಡಿ ಆರು ವಿಕೆಟ್’ಗಳನ್ನು ಕಬಳಿಸುವ ಮೂಲಕ ಆಯ್ಕೆದಾರರಿಗೆ ತಕ್ಕ ಉತ್ತರವನ್ನು ನೀಡಿದ್ದಾರೆ.
ಇದನ್ನೂ ಓದಿ: CSK ಫ್ಯಾನ್ಸ್’ಗೆ ಬಿಗ್ ಶಾಕ್! ಈ ಸ್ಟಾರ್ ಆಟಗಾರನಿಗೆ ತಂಡದಲ್ಲಿ ಸ್ಥಾನವಿಲ್ಲ ಎಂದ ಫ್ರಾಂಚೈಸಿ
ಟಿ20 ಅಂತಾರಾಷ್ಟ್ರೀಯ ಕ್ರಿಕೆಟ್’ನಲ್ಲಿ ಭಾರತದ ಪರ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಚಾಹಲ್, ವಿಜಯ್ ಹಜಾರೆ ಟ್ರೋಫಿಯಲ್ಲಿ ಹರಿಯಾಣ ಪರ ಆಡುತ್ತಿದ್ದಾರೆ. ಅವರ ಅದ್ಭುತ ಬೌಲಿಂಗ್’ನ ಆಧಾರದ ಮೇಲೆ ಹರಿಯಾಣ ಉತ್ತರಾಖಂಡವನ್ನು 47.4 ಓವರ್‌ಗಳಲ್ಲಿ 207 ರನ್‌ಗಳಿಗೆ ಆಲೌಟ್ ಮಾಡಿತು.
ಹರಿಯಾಣ ಪರ ಚಹಾಲ್ ಹೊರತಾಗಿ ರಾಹುಲ್ ತೆವಾಟಿಯಾ ಮತ್ತು ಸುಮಿತ್ ಕುಮಾರ್ ತಲಾ ಎರಡು ವಿಕೆಟ್ ಪಡೆದರು. ಪಂದ್ಯದಲ್ಲಿ ಬಲಿಷ್ಠವಾಗಿ ಬೌಲಿಂಗ್ ಮಾಡಿದ ಯುಜ್ವೇಂದ್ರ 10 ಓವರ್’ಗಳಲ್ಲಿ ಒಟ್ಟು 26 ರನ್ ನೀಡಿ ಆರು ಬ್ಯಾಟ್ಸ್ ಮನ್ ಗಳನ್ನು ಪೆವಿಲಿಯನ್’ಗೆ ಕಳುಹಿಸಿದರು.
ಅಷ್ಟೇ ಅಲ್ಲದೆ, ತಮ್ಮ ಕೋಟಾದಲ್ಲಿ 2 ಮೇಡನ್ ಓವರ್’ಗಳನ್ನು ಬೌಲ್ ಮಾಡಿದರು. ಉತ್ತರಾಖಂಡ ನಾಯಕ ಜೀವನಜೋತ್ ಸಿಂಗ್ ಜೊತೆಗೆ ದೀಕ್ಷಾಂಶುನೆಗಿ, ಸ್ವಪ್ನಿಲ್ ಸಿಂಗ್, ಆದಿತ್ಯ ತಾರೆ, ಅಖಿಲ್ ರಾವತ್ ಮತ್ತು ಮಯಾಂಕ್ ಮಿಶ್ರಾ ಅವರನ್ನು ಔಟ್ ಮಾಡಿದ್ದರು. ಇದರೊಂದಿಗೆ ಲಿಸ್ಟ್-ಎ ವೃತ್ತಿಜೀವನದಲ್ಲಿ 200 ವಿಕೆಟ್’ಗಳನ್ನು ಪೂರೈಸಿದರು.
ಇದನ್ನೂ ಓದಿ: ದ್ರಾವಿಡ್ ಬಳಿಕ ಭಾರತದ ಮುಖ್ಯ ಕೋಚ್ ಯಾರಾಗ್ತಾರೆ? ಪಟ್ಟಿಯಲ್ಲಿ ಮುಂಚೂಣಿಯಲ್ಲಿದೆ ಈ ದಿಗ್ಗಜನ ಹೆಸರು
ಚಾಹಲ್ ತನ್ನ ಕೊನೆಯ ODI ಪಂದ್ಯವನ್ನು ಭಾರತದ ಪರ ಆಡಿದ್ದು ಜನವರಿ 2023ರಲ್ಲಿ. ಕೊನೆಯ ಟಿ20 ಪಂದ್ಯ 2023ರ ಆಗಸ್ಟ್‌’ನಲ್ಲಿ ನಡೆದಿತ್ತು. ಆದರೆ ವಿಶ್ವಕಪ್ ಭಾರತ ತಂಡದಲ್ಲಿ ಅವರನ್ನು ಸೇರಿಸಿಕೊಳ್ಳಲಾಗಲಿಲ್ಲ. ಇದಲ್ಲದೇ ವಿಶ್ವಕಪ್ ಬಳಿಕ ಆಸ್ಟ್ರೇಲಿಯಾ ವಿರುದ್ಧದ ಐದು ಪಂದ್ಯಗಳ ಟಿ20 ಸರಣಿಗೆ ತಂಡದಲ್ಲಿಯೂ ಸ್ಥಾನ ಪಡೆದಿರಲಿಲ್ಲ. ಚಹಾಲ್ ಟೀಂ ಇಂಡಿಯಾ ಪರ 80 ಟಿ20 ಪಂದ್ಯಗಳಲ್ಲಿ 96 ವಿಕೆಟ್ ಪಡೆದಿದ್ದಾರೆ. 72 ಏಕದಿನ ಪಂದ್ಯಗಳಲ್ಲಿ 121 ವಿಕೆಟ್ ಪಡೆದಿದ್ದಾರೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ
