Asia Cup 2023 Final: ಅಂದರೆ ಸೆಪ್ಟೆಂಬರ್ 17 ರಂದು ಕೊಲಂಬೊದ ಆರ್. ಪ್ರೇಮದಾಸ ಸ್ಟೇಡಿಯಂನಲ್ಲಿ ನಡೆದ ಏಷ್ಯಾಕಪ್ ಫೈನಲ್ ಹಣಾಹಣಿಯಲ್ಲಿ ಶ್ರೀಲಂಕಾ ತಂಡವನ್ನು ಭಾರತ ಹೀನಾಯವಾಗಿ ಸೋಲಿಸಿತು. ಈ ಮೂಲಕ ಭಾರತವು ತನ್ನ ಎಂಟನೇ ಏಷ್ಯಾಕಪ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿತು.
ಇದನ್ನೂ ಓದಿ: ಕುಲ್ದೀಪ್ ಯಾದವ್ ಸರ್ವಶೇಷ್ಠ ಬೌಲರ್ ಎನಿಸಿಕೊಳ್ಳಲು ಕಾರಣವಾಗಿದ್ದು ಈ ಬಾಬಾ ಮಾಡಿದ ಆಶೀರ್ವಾದ
ಮೊಹಮ್ಮದ್ ಸಿರಾಜ್-ರೋಹಿತ್ ಶರ್ಮಾ ದಾಖಲೆ:
ವೇಗದ ಬೌಲರ್ ಮೊಹಮ್ಮದ್ ಸಿರಾಜ್ ಅವರ ಬೆಂಕಿ ಬೌಲಿಂಗ್’ಗೆ ಅಲ್ಲೋಲ ಕಲ್ಲೋಲವಾದ ಶ್ರೀಲಂಕಾ, ಕೇವಲ 50 ರನ್ ಗಳಿಸಿ ತನ್ನೆಲ್ಲಾ ವಿಕೆಟ್ ಗಳನ್ನು ಕಳೆದುಕೊಂಡಿತು. ಅದರಲ್ಲಿ 21 ರನ್ ನೀಡಿ 6 ವಿಕೆಟ್ ಕಬಳಿಸಿ ಪಂದ್ಯದ ಗೆಲುವಿನ ರೂವಾರಿ ಎನಿಸಿಕೊಂಡಿದ್ದು ಮೊಹಮ್ಮದ್ ಸಿರಾಜ್. ಇನ್ನೊಂದೆಡೆ ರೋಹಿತ್ ಶರ್ಮಾ ಈ ಗೆಲುವಿನ ಮೂಲಕ ಧೋನಿ ನಂತರ ಸತತ ODI ಏಷ್ಯಾಕಪ್ ಪ್ರಶಸ್ತಿಗಳನ್ನು ಗೆದ್ದ ಎರಡನೇ ಭಾರತೀಯ ನಾಯಕ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಫೈನಲ್ ಫೈಟ್ ಹೀಗಿತ್ತು…
ಫೈನಲ್ ಪಂದ್ಯದಲ್ಲಿ ಶ್ರೀಲಂಕಾದ ನಾಯಕ ದಸುನ್ ಶನಕ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಆದರೆ ಫೀಲ್ಡಿಂಗ್’ಗೆಂದು ಕಣಕ್ಕಿಳಿದ ಭಾರತ ಆರಂಭದಲ್ಲಿಯೇ ಲಂಕಾಗೆ ಪೆಟ್ಟು ನೀಡಿತು. ಜಸ್ಪ್ರೀತ್ ಬುಮ್ರಾ ಏಟಿಗೆ ಚೇತರಿಸಿಕೊಳ್ಳಬೇಕು ಎನ್ನುವಷ್ಟರಲ್ಲಿ ಮೊಹಮ್ಮದ್ ಸಿರಾಜ್ ಬ್ಯಾಕ್ ಟು ಬ್ಯಾಕ್ ಹೊಡೆತ ನೀಡಿ ಒಟ್ಟು 6 ವಿಕೆಟ್ ಕಬಳಿಸಿದರು, ಇದಾದ ಬಳಿಕ ಹಾರ್ದಿಕ್ ಪಾಂಡ್ಯ ಕೂಡ ಮೂರು ರನ್ ನೀಡಿ ಮೂರು ವಿಕೆಟ್ ಪಡೆದುಕೊಂಡರು, ಒಟ್ಟಾರೆ ಲಂಕಾ ದಹನಕ್ಕೆ ಪಟ್ಟು ಹಿಡಿದಿದ್ದ ಭಾರತ, 50 ರನ್ ಕಲೆಹಾಕಲಷ್ಟೇ ಅವಕಾಶ ನೀಡಿದ್ದರು.
ಇನ್ನು ಅಲ್ಪಮೊತ್ತದ ಗುರಿ ಬೆನ್ನತ್ತಿದ ಭಾರತ, ಆರಂಭಿಕ ಜೋಡಿಯಾಗಿ ಇಶಾನ್ ಮತ್ತು ಶುಭ್‌ಮನ್ ಗಿಲ್ ಅವರನ್ನು ಕಣಕ್ಕಿಳಿಸಿತು. ಈ ಜೋಡಿ, ಬೌಂಡರಿಗಳ ಸಹಾಯದಿಂದಲೇ ಯಾವುದೇ ವಿಕೆಟ್ ನಷ್ಟವಿಲ್ಲದೆ ಗುರಿ ತಲುಪುವಂತೆ ಮಾಡಿತು.
ಇದನ್ನೂ ಓದಿ: ತಂದೆ ಆಟೋ ಡ್ರೈವರ್, ಸ್ಲಂನಲ್ಲಿ ವಾಸ! ಲಂಕಾ ಬ್ಯಾಟಿಂಗ್ ಕ್ರಮಾಂಕವನ್ನೇ ನಡುಗಿಸಿದ ಸಿರಾಜ್ ಹಿನ್ನೆಲೆ ಏನು ಗೊತ್ತಾ?
ಏಷ್ಯಾ ಕಪ್ 2023 ರ ಫೈನಲ್’ನ ಪ್ರಶಸ್ತಿ ವಿಜೇತರ ಪಟ್ಟಿ ಹೀಗಿದೆ:
- ವಿಜೇತರು - ಭಾರತ ($150000)
- ರನ್ನರ್ಸ್ ಅಪ್ - ಶ್ರೀಲಂಕಾ ($75000)
- ಪಂದ್ಯದ ಸ್ಮಾರ್ಟ್ ಕ್ಯಾಚ್ - ರವೀಂದ್ರ ಜಡೇಜಾ ($3000)
- ಪಂದ್ಯ ಶ್ರೇಷ್ಠ ಆಟಗಾರ - ಮೊಹಮ್ಮದ್ ಸಿರಾಜ್ ($5000)
- ಸರಣಿ ಶ್ರೇಷ್ಠ ಆಟಗಾರ – ಕುಲದೀಪ್ ಯಾದವ್ ($15000)
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/watch?v=uzXzteRDY-k
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
