ಬೆಂಗಳೂರು: ಹೀಗೆ ಪಿಜಿಯಲ್ಲಿದ್ದ ಯುವತಿಯರನ್ನ ಕಾಡ್ತಿದ್ದ ಕಾಮ ಪಿಶಾಚಿ. ಹೂಡಿ ,ತಿಗಳರಪಾಳ್ಯ ಏರಿಯಾ ಮಹಿಳೆಯರ ನಿದ್ದೆ ಕೆಡಿಸಿದ್ದ ಕಾಮುಕನ ಹೆಸರು ಅಶೋಕ್. ಚಿಕ್ಕಬಳ್ಳಾಪುರದ ಅಶೋಕ್ ಎಂಎಸ್ಸಿ ಓದಿಕೊಂಡಿದ್ದ ಇದ್ದ. ಜೊತೆಗೆ ಖಾಸಗಿ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಡಿಪಾರ್ಟ್ ಮೆಂಟ್ ನಲ್ಲಿ ಕೆಲಸ ಮಾಡ್ತಿದ್ದ. ಕಳೆದ ಕೆಲ ವರ್ಷಗಳಿಂದ ಹೂಡಿ ತಿಗಳರ ಪಾಳ್ಯದಲ್ಲಿರುವ ಪಿಜಿಯಲ್ಲಿ ಬಂದು ನೆಲೆಸಿದ್ದ.
ತಾನಾಯ್ತು ತನ್ನ ಕೆಲಸ ಆಯ್ತು ಅಂತಾ ಇದ್ದಿದ್ರೆ ಇವತ್ತು ಜೈಲು ಸೇರೊ ಗತಿ ಬರ್ತಾ ಇರ್ಲಿಲ್ಲ.ಈ ಪಾಪಿ ಪಿಜಿ ಎದುರಿರುವ ಲೇಡಿಸ್ ಪಿಜಿ ಮೇಲೆ ಕಣ್ಣಾಕಿದ್ದ. ಅದ್ರಲ್ಲೂ ಮಹಿಳೆಯರ ಸ್ನಾನದ ಕೋಣೆಯನ್ನೆ ಟಾರ್ಗೆಟ್ ಮಾಡ್ತಿದ್ದ. ಪಿಜಿಯಲ್ಲಿರುವ ಯುವತಿಯರು ಸ್ನಾನಕ್ಕೆ ಬರ್ತಾ ಇದ್ದಂತೆ ಆ್ಯಕ್ಟಿವ್ ಆಗಿ ಬಿಡ್ತಿದ್ದ. ಯುವತಿಯರ ಸ್ನಾನದ ವಿಡಿಯೋ ತನ್ನ ಮೊಬೈಲ್ ನಲ್ಲಿ ಸೆರೆ ಹಿಡಿದುಕೊಳ್ತಿದ್ದ.
ಇದನ್ನೂ ಓದಿ-ರಾಜ್ಯ ಸರ್ಕಾರ ಎಲ್ಲಾ ಸಮಸ್ಯೆಗಳನ್ನು ಎದುರಿಸುವಷ್ಟು ಶಕ್ತವಾಗಿದೆ: ಮುಖ್ಯಮಂತ್ರಿ ಸಿದ್ದರಾಮಯ್ಯ
ಇದೇ ರೀತಿ ಜೂನ್ 21 ರಂದು ಯುವತಿಯರ ಸ್ನಾನದ ವಿಡಿಯೋ ಚಿತ್ರೀಕರಿಸ್ತಿದ್ದಂತೆ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದ. ತಕ್ಷಣ ಆರೋಪಿಯನ್ನ ಪೊಲೀಸರಿಗೆ ಒಪ್ಪಿಸಲಾಗಿತ್ತು. ಆರೋಪಿಯನ್ನ ಬಂಧಿಸಿದ ಮಹದೇವಪುರ ಪೊಲೀಸರು ಮೊಬೈಲ್ ವಶಕ್ಕೆ ಪಡೆದು ಪರಿಶೀಲನೆ ನಡೆಸಿದ್ರು.ಈ ವೇಳೆ ಗೊತ್ತಾಗಿದ್ದೇ ಬೆಚ್ಚಿ ಬೀಳಿಸುವ ಸಂಗತಿ. ಯಾಕಂದ್ರೆ ಆರೋಪಿ ಅಶೋಕ್ ಮೊಬೈಲ್ ನಲ್ಲಿ ಏಳು ಯುವತಿಯರ ಸ್ನಾನದ ವಿಡಿಯೋಗಳು ಪತ್ತೆಯಾಗಿದೆ.
ಸದ್ಯ ಆ ವಿಡಿಯೋಗಳನ್ನ ಡಿಲೀಟ್ ಮಾಡಲಾಗಿದ್ದು ಮತ್ತೆಲ್ಲಾದ್ರು ಸೇವ್ ಮಾಡಿ ಇಟ್ಟುಕೊಂಡಿದ್ದಾನಾ ಅನ್ನೋ ಭಯ ಯುವತಿಯರಲ್ಲಿ ಮನೆ ಮಾಡಿದೆ. ಇದು ಒಂದು ಕಡೆಯಾದ್ರೆ ಆರೋಪಿ ಆ ವಿಡಿಯೋ ನೋಡಿ ವಿಕೃತ ಸುಖ ಅನುಭವಿಸುತ್ತಿದ್ದನಾ ಅಥವಾ ಬ್ಲಾಕ್ ಮೇಲ್ ಮಾಡಲು ಉಪಯೋಗಿಸ್ತಿದ್ನಾ ಅನ್ನೋ ವಿಚಾರ ಪೊಲೀಸರ ತನಿಖೆಯಿಂದ ಗೊತ್ತಾಗಬೇಕಿದೆ.
ಅದೇನೇ ಹೇಳಿ ಕಾಮುಕನ ಅಟ್ಟಹಾಸಕ್ಕೆ ನಲುಗಿದ್ದ ಪಿಜಿ ಯುವತಿಯರು ನಿಟ್ಟುಸಿರು ಬಿಡುವಂತಾಗಿದೆ. ನೀವು ಯಾವುದಾದರೂ ಪಿಜಿ ಸೇರುವ ಮುನ್ನ ಹುಷಾರಾಗಿರಿ.ಯಾಕಂದ್ರೆ ನಿಮ್ಮ ಸುತ್ತಾಮುತ್ತಾ ಕೂಡ ಇಂತಹ ಕಾಮುಕರು ಇರಬಹುದು.
ಇದನ್ನೂ ಓದಿ-"ನಮ್ಮ ಸರ್ಕಾರದಲ್ಲಿ ಸಾಹಿತಿಗಳು ಅಭಿವ್ಯಕ್ತಿ ಸ್ವಾತಂತ್ರ್ಯಕ್ಕೆ ಆತಂಕ ಪಡಬೇಕಾಗಿಲ್ಲ"
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://bit.ly/3LwfnhK
Instagram Link - https://bit.ly/3LyfY2l
Sharechat Link - https://bit.ly/3LCjokI ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
