ମୟଙ୍କ ଯାଦବ ଖେଳିବେ T20 WC! ବିସିସିଆଇ ଚୟନକର୍ତ୍ତାଙ୍କୁ ପରାମର୍ଶ ଦେଲେ ପୂର୍ବତନ ଭେଟେରାନ

T20 World Cup 2024: ଅନେକ ଯୁବ ଅନକ୍ୟାପ୍ ଖେଳାଳି ଆଇପିଏଲ୍ ୨୦୨୪ ରେ ସେମାନଙ୍କର ଚମତ୍କାର ପ୍ରଦର୍ଶନ ସହିତ ହେଡଲାଇନ୍ ସୃଷ୍ଟି କରୁଛନ୍ତି। ସେମାନଙ୍କ ମଧ୍ୟରେ ଅନେକ ବୋଲର ଓ ଅନେକ ବ୍ୟାଟ୍ସମ୍ୟାନ୍ ଅଛନ୍ତି। ଲକ୍ଷ୍ନୌ ସୁପର ଜଏଣ୍ଟସ୍ ର ଯୁବ ଅନକ୍ୟାପ୍ ଖେଳାଳି ମୟଙ୍କ ଯାଦବ (Mayank Yadav) ନିଜ ତୁଫାନି ବୋଲିଂ ସହିତ ବିସିସିଆଇ ଚୟନକର୍ତ୍ତାଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏହା ହେଉଛି ତାଙ୍କର ପ୍ରଥମ ଆଇପିଏଲ୍ ସିଜିନ୍ ଓ ତାଙ୍କର ପ୍ରଥମ ଆଇପିଏଲ୍ ରେ ମୟଙ୍କ ବିପଜ୍ଜନକ ବୋଲିଂ କରି ଟିମ୍ ଇଣ୍ଡିଆରେ ପ୍ରବେଶ କରିବାକୁ ଦାବି ରଖିଛନ୍ତି। ବର୍ତ୍ତମାନ ଜଣେ ପୂର୍ବତନ ଭେଟେରାନ ମୟଙ୍କ ଯାଦବଙ୍କୁ ନେଇ କିଛି ବଡ କଥା କହିଛନ୍ତି।

୨୦୨୪ ନୁହେଁ ବରଂ ଏହି ବିଶ୍ୱକପରେ ଖେଳିବା ଉଚିତ୍ ମୟଙ୍କ
ମୟଙ୍କ ଯାଦବ ଚଳିତ ସିଜନରେ ଲକ୍ଷ୍ନୌ ସୁପର ଜିଆଣ୍ଟସ୍ ପାଇଁ ତିନୋଟି ମ୍ୟାଚ୍ ଖେଳିଛନ୍ତି। ଯେଉଁଥିରେ ତାଙ୍କ ନାମରେ ୬ଟି ୱିକେଟ୍ ରହିଛି। ତେବେ ମୟଙ୍କକୁ ମାତ୍ର ତିନୋଟି ମ୍ୟାଚ୍ ପରେ ଆଘାତ ଲାଗିଥିଲା। ଯାହା ପରେ ମୟଙ୍କଙ୍କୁ ୨ଟି ମ୍ୟାଚ୍ ପାଇଁ ଦଳରୁ ଦୂରେଇ ରହିବାକୁ ପଡିଛି। ମୟଙ୍କ ଚମତ୍କାର ବୋଲିଂ ଦେଖି ତାଙ୍କୁ ବିଶ୍ୱକପରେ ଖେଳିଇବାକୁ ଦାବି ବଢ଼ିବାରେ ଲାଗିଛି। ତେବେ ମୟଙ୍କ ବିଷୟରେ ଅଷ୍ଟ୍ରେଲିଆର ପୂର୍ବତନ ଭେଟେରାନ୍ ଟମ ମୁଡିଙ୍କ ଏକ ବଡ଼ ବୟାନ ସାମ୍ନାକୁ ଆସିଛି।

ଇଏସପିଏନ ସହ କଥାବାର୍ତ୍ତା ବେଳେ ମୁଡି କହିଛନ୍ତି ଯେ ଯେତେବେଳେ ମୁଁ ମୟଙ୍କକୁ ପ୍ରାରମ୍ଭିକ ମ୍ୟାଚରେ ଖେଳୁଥିବାର ଦେଖିଲି, ମୋତେ ସେ ବହୁତ ଭଲ ଲାଗିଥିଲେ, କିନ୍ତୁ ବିଶ୍ୱକପରେ ଖେଳିବା ବିଷୟରେ ଚିନ୍ତା ନକରି କୌଣସି ପ୍ରତିକ୍ରିୟା ଦେବା ଉଚିତ୍ ନୁହେଁ। ସେ ଏପର୍ଯ୍ୟନ୍ତ ଦୁଇଟି ମ୍ୟାଚ୍ ଖେଳିଛନ୍ତି, ଯାହା ପରେ ସେ ଆହତ ହୋଇଛନ୍ତି, ତେଣୁ ତାଙ୍କୁ ଦୁଇଟି ମ୍ୟାଚ୍ ପରେ ବିଶ୍ୱକପ୍ ପାଇଁ ଦଳରେ ଚୟନ କରାଯାଇପାରିବ ନାହିଁ। ମୋ କହିବାନୁସାରେ, ସେ ବିଶ୍ୱକପ ୨୦୨୬ ପାଇଁ ପ୍ରସ୍ତୁତ ହେବା ଉଚିତ୍।

Tom Moody said, "Mayank Yadav should play the 2026 T20 World Cup for India, not the 2024". (Espncricinfo). pic.twitter.com/AyBKHJvjbn

— Mufaddal Vohra (@mufaddal_vohra) April 21, 2024

ଟି-୨୦ ବିଶ୍ୱକପ ୨୦୨୪ ପାଇଁ ଟିମ୍ ଇଣ୍ଡିଆ ଆଇପିଏଲ୍ ୨୦୨୪ ମଧ୍ୟରେ ଶୀଘ୍ର ଘୋଷଣା ହୋଇପାରେ। ଏଭଳି ପରିସ୍ଥିତିରେ ବିସିସିଆଇ ଚୟନକର୍ତ୍ତାଙ୍କ ଆଖି ସମସ୍ତ ଭାରତୀୟ ଖେଳାଳିଙ୍କ ଉପରେ ରହିଛି। ଏହି ସିଜିନରେ ଆଶ୍ଚର୍ଯ୍ୟଜନକ ପ୍ରଦର୍ଶନ କରୁଥିବା ଖେଳାଳିମାନେ ବିଶ୍ୱକପ୍ ପାଇଁ ଦଳରେ ଅନ୍ତର୍ଭୁକ୍ତ ହୋଇପାରନ୍ତି।