Jack Alabaster dies at 93: ୧୯୫୫ ମସିହାରେ କରାଚିରେ ପାକିସ୍ତାନ ବିପକ୍ଷରେ ଜ୍ୟାକ୍ ଆଲାବାଷ୍ଟର ନିଜର ଟେଷ୍ଟ ଡେବ୍ୟୁ କରିଥିଲେ। ତେବେ ତାଙ୍କୁ ସେହି ମ୍ୟାଚ୍ରେ ବୋଲିଂ କରାଇବାକୁ ଦିଆଯାଇ ନଥିଲା ଓ କିୱି ଦଳକୁ ଗୋଟିଏ ଇନିଂସ ଏବଂ ଗୋଟିଏ ରନ୍ରେ ପରାଜୟର ସମ୍ମୁଖୀନ ହେବାକୁ ପଡିଥିଲା।
Trending Photos
Jack Alabaster: ନ୍ୟୁଜିଲ୍ୟାଣ୍ଡ କ୍ରିକେଟ୍ ଦଳର ପୂର୍ବତନ ଲେଗ ସ୍ପିନର ଜ୍ୟାକ୍ ଆଲାବାଷ୍ଟରଙ୍କ ଦେହାନ୍ତ ହୋଇଛି। ମଙ୍ଗଳବାର ଦିନ ରାତିରେ ସେ ୯୩ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ନ୍ୟୁଜିଲ୍ୟାଣ୍ଡର ସର୍ବୋତ୍ତମ ଲେଗ୍ ସ୍ପିନରମାନଙ୍କ ମଧ୍ୟରୁ ଜ୍ୟାକ୍ ଆଲାବାଷ୍ଟର ଅନ୍ୟତମ ଥିଲେ। ସେ ୧୯୫୫ ରୁ ୧୯୭୨ ମଧ୍ୟରେ ମୋଟ ୨୧ ଟି ଟେଷ୍ଟ ମ୍ୟାଚ୍ ଖେଳିଥିଲେ ଓ ଏହି ସମୟ ମଧ୍ୟରେ ୪୯ ୱିକେଟ୍ ନେଇଥିଲେ।
୧୯୫୫ ମସିହାରେ କରାଚିରେ ପାକିସ୍ତାନ ବିପକ୍ଷରେ ଜ୍ୟାକ୍ ଆଲାବାଷ୍ଟର ନିଜର ଟେଷ୍ଟ ଡେବ୍ୟୁ କରିଥିଲେ। ତେବେ ତାଙ୍କୁ ସେହି ମ୍ୟାଚ୍ରେ ବୋଲିଂ କରାଇବାକୁ ଦିଆଯାଇ ନଥିଲା ଓ କିୱି ଦଳକୁ ଗୋଟିଏ ଇନିଂସ ଏବଂ ଗୋଟିଏ ରନ୍ରେ ପରାଜୟର ସମ୍ମୁଖୀନ ହେବାକୁ ପଡିଥିଲା। ଆଲାବାଷ୍ଟର ନ୍ୟୁଜିଲ୍ୟାଣ୍ଡର ପ୍ରଥମ ଚାରିଟି ଟେଷ୍ଟ ବିଜୟର ଅଂଶ ଥିଲେ। ସେ ୧୯୫୫-୫୬ ମସିହାରେ ଭାରତ ଗସ୍ତ କରିଥିଲେ। ଏହା ପରେ, ୧୯୫୮ ରେ ଇଂଲଣ୍ଡ, ୧୯୬୧-୬୨ ରେ ଦକ୍ଷିଣ ଆଫ୍ରିକା ଓ ୧୯୭୧-୭୨ ରେ ୱେଷ୍ଟଇଣ୍ଡିଜ୍ ଯାତ୍ରା ହୋଇଥିଲା।
NZC is deeply saddened to mark the death of leg-spinner Jack Alabaster, who died in Cromwell last night aged 93. A champion of Southland and @OtagoCricket, Jack played 21 Tests from 1955-1972 (including the first four wins NZ achieved), taking 49 wickets at 38.02.
— BLACKCAPS (@BLACKCAPS) April 10, 2024
ଦକ୍ଷିଣ ଆଫ୍ରିକାରେ ଖେଳାଯାଇଥିବା ପାଞ୍ଚ ମ୍ୟାଚ୍ ଟେଷ୍ଟ ସିରିଜରେ ଜ୍ୟାକ୍ ଆଲାବାଷ୍ଟର ୨୨ ୱିକେଟ୍ ନେଇଥିଲେ। ଏହି କାରଣରୁ ନ୍ୟୁଜିଲ୍ୟାଣ୍ଡ ଦଳ ପ୍ରଥମ ଥର ପାଇଁ ଦକ୍ଷିଣ ଆଫ୍ରିକା ବିପକ୍ଷରେ ଟେଷ୍ଟ ସିରିଜ୍ ହାତେଇବାରେ ସଫଳ ହୋଇଥିଲା। ସିରିଜର ପ୍ରଥମ ମ୍ୟାଚରେ ସେ ସାତୋଟି ୱିକେଟ୍ ନେଇଥିଲେ, ଯେଉଁଥିରେ ନ୍ୟୁଜିଲ୍ୟାଣ୍ଡ ୩୦ ରନରେ ହାରିଥିଲା। ଏହା ପରେ ସେ ପ୍ରଥମ ଥର ପାଇଁ ନ୍ୟୁଜିଲ୍ୟାଣ୍ଡକୁ ଟେଷ୍ଟ ମ୍ୟାଚ୍ ଜିତିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ସେହି ମ୍ୟାଚରେ ଜ୍ୟାକ୍ ଆଲାବାଷ୍ଟର ୧୮୦ ରନ୍ ଦେଇ ୮ ୱିକେଟ୍ ନେଇଥିଲେ, ଯାହା ତାଙ୍କ କ୍ୟାରିୟରର ସର୍ବୋତ୍ତମ ପ୍ରଦର୍ଶନ ଥିଲା।
ଆମେ ଯଦି ଜ୍ୟାକ୍ ଆଲାବାଷ୍ଟରଙ୍କ ବିଷୟରେ କହିବା, ସେ ଓଟାଗୋ ପାଇଁ ଘରୋଇ କ୍ରିକେଟ୍ ଖେଳୁଥିଲେ। ସେ ତାଙ୍କ କ୍ୟାରିୟରରେ ଏହି ଦଳ ପାଇଁ ମୋଟ ୧୪୩ଟି ମ୍ୟାଚ୍ ଖେଳିଥିଲେ, ଯେଉଁଥିରେ ସେ ୫୦୦ ୱିକେଟ୍ ନେଇଥିଲେ। ୧୯୭୧-୭୨ ମସିହାରେ ୱେଷ୍ଟଇଣ୍ଡିଜ୍ ଯାତ୍ରା ସମୟରେ ଆଲାବାଷ୍ଟର ଆଘାତର ଶିକାର ହୋଇଥିଲେ ଓ ଏହି କାରଣରୁ ତାଙ୍କୁ ଅବସର ନେବାକୁ ପଡିଥିଲା।