Accident News: ଡମ୍ପରକୁ ପିଟିଲା ବୋଲେରୋ, ୮ ମୃତ

Accident News: ଇନ୍ଦୋର: ବୁଧବାର ରାତିରେ ଇନ୍ଦୋର-ଅହମ୍ମଦାବାଦ ଜାତୀୟ ରାଜପଥରେ ଘଟିଥିବା ଏହି ଛାତି ଥରାଇବା ଭଳି ଦୁର୍ଘଟଣାର ଖବର ସାମ୍ନାକୁ ଆସିଛି। ଦୁର୍ଘଟଣା ଏତେ ଭୟଙ୍କର ଥିଲା ଯେ ଦୁର୍ଘଟଣାଗ୍ରସ୍ତ ଗାଡ଼ିକୁ ଦେଖିଲେ ଅନୁମାନ କରାଯାଇପାରେ। ତେବେ ଏହି ଦୁର୍ଘଟଣାରେ ଘଟଣାସ୍ଥଳରେ ଆଠ ଜଣଙ୍କର ମୃତ୍ୟୁ ଘଟିଛି। ଏଠାରେ କହି ରଖୁ କି ବୁଧବାର ରାତିର ପ୍ରାୟ ସାଢେ ୧୦ଟା ସମୟରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି। 

ବୁଧବାର ରାତି ପ୍ରାୟ ସାଢେ ୧୦ଟା ସମୟରେ ଘାଟା ବିଲୌଦ ନିକଟରେ ଏହା ଘଟିଥିଲା।​ ରାତିରେ ପୋଲିସ ଏହି ଦୁର୍ଘଟଣା ସମ୍ପର୍କରେ ସୂଚନା ପାଇଥିଲା। ଘଟଣାସ୍ଥଳରେ ଉପସ୍ଥିତ ଲୋକମାନେ କହିଛନ୍ତି ଯେ ଗାଡ଼ି ନମ୍ବର MP 43 BD 1005ରେ ନଅ ଜଣ ଥିଲେ। ଯାହା ଦୃତ ବେଗରେ ଆସୁଥିଲା। ରାସ୍ତା କଡ଼ରେ ବାଲି ଭର୍ତ୍ତି ଏକ ଡମ୍ପରକୁ ପଛପଟୁ ଧକ୍କା ଦେଇଥିଲେ। ଦୁର୍ଘଟଣା ଏତେ ଭୟଙ୍କର ରହିଥିଲା ଯେ କାରଟି ସମ୍ପୂର୍ଣ୍ଣ ଭାଙ୍ଗି ଯାଇଥିଲା। ଏଥିରେ ବସିଥିବା ଲୋକମାନେ ଫସି ଯାଇ ମୃତ୍ୟୁ ମୁଖରେ ପଡ଼ିଥିଲେ। ଦୁର୍ଘଟଣା ପରେ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲା। ତେବେ ଦୁର୍ଘଟଣାଗ୍ରସ୍ତ ଗାଡି ମଧ୍ୟରୁ ମୃତଦେହକୁ ବାହାର କରିବାକୁ ପୋଲିସକୁ ନାକେଦମ ହେବାକୁ ପଡ଼ିଥିଲା। 

ମଧ୍ୟପ୍ରଦେଶ ପୋଲିସ କହିଛି ଯେ ଇନ୍ଦୋର-ଅହମ୍ମଦାବାଦ ଜାତୀୟ ରାଜପଥରେ ଘାଟା ବିଲୌଦ ନିକଟରେ ଏକ ଅଜଣା ଗାଡି ସହିତ ଏକ ଜିପ୍ ଧକ୍କା ହୋଇଥିଲା। ଅତିରିକ୍ତ ପୋଲିସ ଅଧୀକ୍ଷକ (ଏଏସପି) ରୂପେଶ କୁମାର ଦ୍ୱିବେଦୀ କହିଛନ୍ତି ଯେ ଏହି ଦୁର୍ଘଟଣାରେ ୮ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି। ପୋଲିସ କହିଛି ଯେ ଏହି ଲୋକମାନେ ବାଗ ଟାଣ୍ଡା ଠାରୁ ଗୁନା ଯାଉଥିବାବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲେ। ଘଟଣା ପରେ କାର ସହ ଧକ୍କା ହୋଇଥିବା ଗାଡିର ଡ୍ରାଇଭର ଖସି ପଳାଇ ଯାଇଥିଲେ। ମୃତକଙ୍କ ମଧ୍ୟରୁ କମଲେଶଙ୍କ ନିକଟରୁ ପୋଲିସ କାର୍ଡ ମଧ୍ୟ ମିଳିଛି। ଏଥିରେ ଶିବପୁରୀରେ ପୋଷ୍ଟିଂ ପ୍ରସଙ୍ଗ ସାମ୍ନାକୁ ଆସିଛି। ବର୍ତ୍ତମାନ ପୋଲିସ ଘଟଣାର ତଦନ୍ତ କରୁଛି ଏବଂ ଅଜଣା ଗାଡିକୁ ଖୋଜୁଥିବା ଜଣାପଡ଼ିଛି।