ഒരേയൊരു ചിത്രം കൊണ്ട് നിറയെ ആരാധകരെ സ്വന്തമാക്കിയ നടിയാണ് മൃണാൾ താക്കൂർ. സീതാരാമം എന്ന ചിത്രമാണ് മൃണാളിനെ പ്രേക്ഷകർക്ക് സുപരിചിതയാക്കിയത്.
ദുൽഖർ സൽമാൻ നായകനായ തെലുങ്ക് ചിത്രം സീതാരാമത്തിലെ സീതാ മഹാലക്ഷ്മിയെ പ്രേക്ഷകർ മറക്കില്ല.
സീതാ മഹാലക്ഷ്മി/ നൂർ ജഹാൻ എന്നീ കഥാപാത്രങ്ങളെ മൃണാൾ അവിസ്മരണീയമാക്കിയിരുന്നു.
സീതാരാമം എന്ന ചിത്രത്തിന് ശേഷം വലിയൊരു ഫാൻ ഫോളോയിംഗ് മൃണാളിനുണ്ട്.
2014ൽ പുറത്തിറങ്ങിയ വിട്ടി ദണ്ഡുവിലൂടെയാണ് മൃണാളിന്റെ അരങ്ങേറ്റം. മറാത്തി ചിത്രമാണിത്.
2019-ൽ വികാസ് ബഹലിന്റെ ജീവചരിത്ര നാടകമായ സൂപ്പർ 30 എന്ന ചിത്രത്തിലൂടെയാണ് മൃണാൾ താക്കൂറിന്റെ ബോളിവുഡ് അരങ്ങേറ്റം.
സിനിമയിലെത്തും മുമ്പ് ഹിന്ദി സീരിയലുകളിലൂടെ പ്രേക്ഷകർക്ക് മൃണാൾ സുപരിചിതയായിരുന്നു.
സീതാരാമത്തിന്റെ വൻ വിജയത്തിന് ശേഷം നിരവധി ചിത്രങ്ങൾ താരം ചെയ്തു.
