Mangal Gochar 2024: ମୀନରେ ମଙ୍ଗଳ ଚଳନ, ୨୩ ଏପ୍ରିଲରୁ ବଦଳିବ ୩ରାଶିର ଭାଗ୍ୟ

Mangal Rashi Parivartan: ବୈଦିକ ଜ୍ୟୋତିଷ ଶାସ୍ତ୍ର ଅନୁଯାୟୀ, ଗ୍ରହମାନଙ୍କର ସେନାପତି ମଙ୍ଗଳ ହେଉଛନ୍ତି ଗତିଶୀଳ ଗ୍ରହ । ମଙ୍ଗଳ ମେଷ ଏବଂ ବୃଷ ରାଶିର ଆରାଧ୍ୟ ବୋଲି ବିବେଚନା କରାଯାଇଥାଏ । ମେଷ ମଙ୍ଗଳଙ୍କର ମୂଳ ତ୍ରୀକୋଣୀୟ ରାଶି । ମଙ୍ଗଳଙ୍କ ସହ ବୃହସ୍ପତିଙ୍କର ବନ୍ଧୁତ୍ୱପୂର୍ଣ୍ଣ ତଥା ଭଲ ସମ୍ପର୍କ ରହିଛି । ମୀନ ବୃହସ୍ପତି ଦ୍ୱାରା ପରିଚାଳିତ ଏବଂ ମଙ୍ଗଳ ସହିତ ସୁସଙ୍ଗତ । ଏହି ସ୍ଥାନ ସହ ଜଡିତ ଥିବା ରାଶିର ବ୍ୟକ୍ତିବିଶେଷମାନେ ସାଧାରଣତଃ ଆଧ୍ୟାତ୍ମିକ ପ୍ରକୃତିର । ସେମାନେ ନୈତିକତା ଏବଂ ଉତ୍ତମ ଆଚରଣ ପସନ୍ଦ କରିଥାନ୍ତି ଏବଂ ସତ୍ ପଥ ଅନୁସରଣ କରନ୍ତି । ସେମାନେ ସେମାନଙ୍କର ଧାର୍ମିକ ବିଶ୍ୱାସ ପାଇଁ ଅତ୍ୟନ୍ତ ଉତ୍ସର୍ଗୀକୃତ ରୁହନ୍ତି । ଗ୍ରହମାନଙ୍କର ସେନାପତି ମଙ୍ଗଳ ୨୩ ଏପ୍ରିଲ ୨୦୨୪ ସନ୍ଧ୍ୟା ୮ଟା୧୯ ରେ ମୀନ ରାଶିରେ ଚଳନ କରିବେ । ମଙ୍ଗଳଙ୍କ ପ୍ରଭାବରୁ କିଛି ରାଶିର ବ୍ୟକ୍ତିଙ୍କ ଜୀବନରେ ସକରାତ୍ମକ ପ୍ରଭାବ ପଡିବ । ଫଳରେ ଧନ, ମାନ, ସୌଭାଗ୍ୟରେ ବୃଦ୍ଧି ଘଟିବ । ଏଥିସହ ପରିବାର, ସାମାଜିକ ଏବଂ ବ୍ୟବସାୟିକ କ୍ଷେତ୍ରରେ ଆପଣଙ୍କର ସମସ୍ତ ଅସୁବିଧା ଦୂର ହୋଇଯିବ । ଆସନ୍ତୁ ଜାଣିବା କେଉଁ ରାଶିର ବ୍ୟକ୍ତିବିଶେଷଙ୍କୁ ମଙ୍ଗଳଙ୍କ ସକରାତ୍ମକ ଫଳ ମିଳିବ ।

ମିଥୁନ ରାଶି
ଆପଣଙ୍କ ରାଶିର ଦଶମ ଘରେ ମଙ୍ଗଳ ଚଳନ ହେଉଛି । ନିଜର ଉତ୍ସର୍ଗୀକୃତତା କାରଣରୁ ଆପଣଙ୍କୁ କର୍ମକ୍ଷେତ୍ରରେ ସଫଳତା ମିଳିବ । ଚାକିରି ସମ୍ବନ୍ଧୀୟ ସମସ୍ୟା ଦୂର ହେବା ସହ ନୂଆ ଚାକିରି ମିଳିବାର ସମ୍ଭାବନା ରହିଛି । କଠିନ ପରିଶ୍ରମ କାରଣରୁ ସଫଳତା ଆପଣଙ୍କ ପାଖେ ନତମସ୍ତକ ହେବ । ଯଦି ଆପଣ ବ୍ୟବସାୟ କରୁଛନ୍ତି ତେବେ ଆପଣ ଅଧିକ ଲାଭ କରିବାର ସମ୍ଭାବନା ଅଛି । ମଙ୍ଗଳ ଚଳନ ସମୟରେ ପ୍ରତିଯୋଗୀତା କ୍ଷେତ୍ରରେ ଆପଣ ବିଜୟଲାଭ କରିପାରନ୍ତି ।

କର୍କଟ ରାଶି
ଆପଣଙ୍କ ପାଇଁ ମଙ୍ଗଳ ହେଉଛନ୍ତି ପଞ୍ଚମ ଏବଂ ଦଶମ ଘରର ଆରାଧ୍ୟ । କର୍କଟ ରାଶିର ନବମ ଘରେ ମଙ୍ଗଳ ଚଳନ କରିବେ । ଏହି ସମୟରେ ଆପଣ ଅଧିକ ଲାଭ ପାଇବେ । ବିଦେଶରେ ଉଚ୍ଚଶିକ୍ଷା କରିବାର ଇଚ୍ଛା ପୂରଣ ହେବ । ଦୂରଯାତ୍ରା କରିବାର ସମ୍ଭାବନା ରହିଛି । ଏହି ସମୟ ମଧ୍ୟରେ ଆପଣଙ୍କ ଭାଗ୍ୟ ସମ୍ପୁର୍ଣ୍ଣ ଭାବରେ ଆପଣଙ୍କ ସପକ୍ଷରେ ରହିବ ।

ଧନୁ ରାଶି
ଆପଣଙ୍କ ରାଶିର ପଞ୍ଚମ ଏବଂ ଦ୍ୱାଦଶ ଘରକୁ ମଙ୍ଗଳ ନିୟନ୍ତ୍ରଣ କରନ୍ତି । ଏପ୍ରିଲ ୨୩ ତାରିଖରେ ହେବାକୁ ଥିବା ମଙ୍ଗଳ ଚଳନ ଆପଣଙ୍କ ରାଶିର ଚତୁର୍ଥ ଘରକୁ ପ୍ରଭାବିତ କରିବ । ଏହି ସମୟରେ ଆପଣଙ୍କୁ ବୃତ୍ତିଗତ ସଫଳତା ମିଳିବ । ଆପଣଙ୍କ ମନୋବଳ ମଧ୍ୟ ବୃଦ୍ଧି ପାଇବ । ଆପଣଙ୍କର ଆୟ ମଧ୍ୟ ବୃଦ୍ଧି ହେବ । ବିଦେଶୀ ଉତ୍ସରୁ ଆପଣଙ୍କୁ ଅପ୍ରତ୍ୟାଶିତ ଲାଭ ମିଳିବ । ଜମି, କିମ୍ବା ଆବାସିକ ସମ୍ପତ୍ତିରେ ବିନିଯୋଗ କରିବାକୁ ଚାହୁଁଥିଲେ ଏହା ଉପଯୁକ୍ତ ସମୟ । ଚତୁର୍ଥ ଘରେ ମଙ୍ଗଳ ଚଳନ ପ୍ରଭାବରୁ ଆପଣଙ୍କୁ ସମସ୍ତ ସୁଖ ମିଳିବ । ଆପଣଙ୍କ ଜୀବନ ବିଳାସପୂର୍ଣ୍ଣତାରେ କଟିବ । ମଙ୍ଗଳ ଗ୍ରହ ଦ୍ୱାଦଶ ଘରର ପ୍ରଭୁ ହୋଇଥିବାରୁ ଏହା ଆପଣଙ୍କୁ ଏହି ସମୟ ମଧ୍ୟରେ ବିଦେଶ ଭ୍ରମଣ କରିବାର ସୁଯୋଗ ମଧ୍ୟ ଦେବ ।

କୁମ୍ଭ ରାଶି
ଆପଣଙ୍କ ପାଇଁ ମଙ୍ଗଳ ହେଉଛି ତୃତୀୟ ଘର ଏବଂ ଦଶମ ଘରର ପ୍ରଭୁ । ବର୍ତ୍ତମାନ ଏହା ରୋଜଗାର, ପରିବାର ଏବଂ ବକ୍ତବ୍ୟକୁ ଲିଙ୍କ୍ କରୁଥିବା ଘର ଦ୍ୱିତୀୟ ଘରେ ଅବସ୍ଥିତ । ଏହି ସମୟ ମଧ୍ୟରେ ଆପଣ ସାନ ଭାଇଭଉଣୀଙ୍କ ଦ୍ୱାରା ଉପକୃତ ହୋଇପାରନ୍ତି । ଏହି ଅବଧିରେ ଆପଣଙ୍କର ଆର୍ଥିକ ସ୍ଥିତି ମଧ୍ୟ ଅଧିକ ମଜବୁତ ହେବ । ନିଜର ଘନିଷ୍ଠମାନଙ୍କଠାରୁ ଆର୍ଥିକ ସହାୟତା ପାଇବାରେ ସଫଳ ହେବେ । ଏହି ସମୟ ମଧ୍ୟରେ ନିଜର ଲକ୍ଷ୍ୟ ହାସଲ କରିବା ଏବଂ ନିଜ ଆକାଂକ୍ଷାକୁ ବାସ୍ତବରେ ପରିଣତ କରିବା ପାଇଁ ଚେଷ୍ଟା କରନ୍ତୁ । ଶୁଭ ଫଳାଫଳ ପାଇବେ ।

(Disclamer: ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ। )

Also Read- ଷଷ୍ଠ ତାଲିକାରେ ଛଅ ବିଧାୟକଙ୍କ ଟିକଟ କଟିଲା, କେନ୍ଦୁଝରରେ ଶକ୍ତି ବୃଦ୍ଧି ଅନ୍ୟସ୍ଥାନରେ ଅସହଜ

Also Read- Shani Dev: ଶନି ମହାଦଶା କ’ଣ? ଏହା କେମିତି ଅସୁବିଧାରେ ପକାଇଥାଏ ଜାଣନ୍ତୁ...